Ek wil
hiermee net baie dankie sê vir Rippel wat die mannekamp vir ons
moontlik gemaak het.
Ek wil
vir die Here dankie sê vir die groot veranderinge wat Hy in die
manne se lewe gebring het. Dit was 'n kamp duisend. Die
wonderlikste is om te sien hoe jou vriende hulle hart vir die Here
gee, en dan besef mens net weer hoe groot God is. Ek sal
ander mans aanmoedig om die kamp by te woon, want dit is 'n naweek
waar groot verwagtinge oortref kan word. Los jou worries 'n
bietjie by die huis en wees net in God se nabyheid in die natuur.
Dit was
'n lekker groep gewees en dit is lekker om net weer jonk en
sorgvry te kan lag, huil, en te kan 4 x 4. Ek is net bly ek
is nie een van die brawes van gees wat die dam se koue water
trotseer het nie.
Met die
Blou bul geesdrif het daar ook niks geskort nie. Dit is
wonderlik om 'n bloubul wedstryd te kan kyk saam met 'n klomp
Christene. Die lekkerste daarvan was die braaivleis daarna.
Kan nie
wag vir die volgende kamp nie. Dit is werklik die moeite
werd om jou batterye hier te kom laai.
Groetnis
tot die volgende kamp.
Tienie
Hay |
Elke
Mannekamp het vir my iets anders gebied. Hierdie een het ek
bygewoon hoofsaaklik vir Geestelike groei en dan die samesyn met
manne. Die alleenheid vang my erg en ek het `n groot behoefte aan
assosiasie en sosialiseering. Die Temas asook die inhoud van
elkeen was absoluut fantasties en dit het diep in my ingedring en
my hart is verander.
Ek kon
weer drie aspekte wat my "gebind" het met die Here
uitklaar en voor Hom bely en het daai bande gebreek. Ek voel nou
soveel vryer en ligter. My Gees is weer gevoed en het ek nader aan
die Here gegroei. Die "stilte tye" het my laat ontdek
dat ek op dié manier, meer effektief in my hart kan kyk
(selfodersoek) en dan ontdek ek die "dinge" wat
pla.
Vir my
was die kamp so NODIG en ek het dit baie geniet. Die
"ligter" program was, na my mening en waarneming, meer
effektief want die manne wou graag gesels, kennis maak en
natuurlik ontspan ook. Die pret het ook sy kwota opwinding
opgelewer en dis so nodig dat daar ook pret is.
My bede
is dat die Kamp net van krag tot krag sal groei.
Adrian
Spies |
Ek
het baie uitgesien na die kamp en het 'n groot verwagting gehad.
En soos hulle sê, gaan jy met 'n klein verwagting, gaan jy iets
kleins kry, maar ek
het regtig ‘n groot verwagting gehad en ek het ‘n groot
seën gekry.
Saterdag
na die oggendsessies, het
ons beplan om op ‘n
4x4 baan te gaan ry, toe was ek nog OK. Die plan was om daarna te
gaan foefieslide,
maar toe het ek begin sleg
voel. Toe ons so 4 uur teruggekom het by die kamp het ek besluit
om te gaan lê. Ek wou die aand se sessie uitsit, want
ek het nie eers die eerste helfte van die rugby gesien nie,
so sleg het ek gevoel. Toe die aandsessie begin, wou ek weer gaan
lê maar dis of iemand my opgetel het en saal toe gedra het. My
lyf was regtig seer. Daardie aand het
ek gebreek, dit was net wonderlik in die teenwoordigheid van GOD.
Kobus, ek
wil net vir jou baie dankie sê vir die gebed, ek het dit nodig
gehad. Franna, as dit nie vir die woord was wat jy gebring het
nie, het dit nie met my gebeur nie.
Daardie
aand het ek soos 'n droom geslaap. Die Sondag-oggend toe ek
opstaan ervaar ek dat ek nie eers ‘n bietjie seer het in my lyf
nie. Al die eer aan die HERE!
Die
HERE is goed en getrou. Wat jy in Sy Naam vra, glo en jy sal
dit ontvang.
Ons
was so 11.30 klaar en ek het toe my laaste sigaret gerook voor ons
ry. By die huis gekom,
het ek my vrou en kinders gegroet, lekker geëet en 'n
middagslapie gehad. So
8-uur daardie aand kry ek toe weer lus vir 'n sigaret, ek het buite gaan staan en hom aangesteek. Toe ek by die
vierde trek kom, voel dit of iemand my agter my kop klap en vra,
WAT MAAK JY, ek skrik so groot, ek maak sommer die sigaret dood.
Toe dink ek aan my belofte wat ek gemaak het.
Franna
het vir my gevra wat gaan ek verander in my lewe, want ek moet
iets aflê, iets prys
gee, om my lewe reg te maak. Franna het vir my die swart rugbybal
gegee, en boetas, julle sal nie glo nie, tot vandag, met hulp van
die HERE het ek nog nie weer aan 'n sigaret gevat nie. Ek voel weer mens. Ek en my vrou baklei nie meer nie en my
dogtertjie is baie bly haar held en hero hou hom nie meer op met
die dinge van die duisternis nie ... ons is almal kinders van GOD.
My
boodskap aan manne is, kom ons vat die leiding, kom ons wees die hoof van die huis.
Lei jou vrou en kinders, bid saam en weerstaan die versoekings.
Baie
dankie aan Kobus, Willem,
Franna en
al die Rippel 90.5 span - julle is 'n puik span. Mag die Here jul
grondgebied vergroot en jul seën, julle is ‘n blessing vir al die luisteraars.
En
laaste, maar nie die minste, sê ek dankie aan my Hemelse Vader vir
die kans wat Hy my gee om my lewe weer te kan reg maak. En dat my
lig weer kan skyn.
Baie
dankie. Liefde groete
André
Bredenkamp |