DIE ANDER SEUN


Luk 15:11-32
11 Verder het Jesus ges: "Daar was 'n man wat twee seuns gehad het.
12 Die jongste het vir sy pa ges: 'Pa, gee my die deel van die besittings wat my toekom.' Hy het toe die goed tussen hulle verdeel.
13 "Nie lank daarna nie het die jongste seun alles tot geld gemaak en van die ouerhuis af na 'n ver land toe vertrek. Daar het hy sy geld verkwis deur losbandig te lewe.
14 Nadat hy alles deurgebring het, het daar 'n kwaai hongersnood in daardie land gekom, en ook hy het begin gebrek ly.
15 Hy het toe sommer by een van die mense van daardie land gaan bly, en di het hom na sy plaas toe gestuur om varke op te pas.
16 Daar het hy gewens hy kon sy honger stil met die peule wat die varke eet, maar niemand het hom daarvan gegee nie.
17 "Toe kom hy tot inkeer en s: 'My pa het wie weet hoeveel dagloners, en hulle het almal oorgenoeg kos, en hier vergaan ek van die honger.
18 Ek sal dadelik na my pa toe teruggaan en vir hom s: Pa, ek het teen God en teen Pa gesondig!
19 Ek is nie meer werd om Pa se seun genoem te word nie. Behandel my soos een van Pa se dagloners.'
20 En hy het sonder versuim na sy pa toe teruggegaan. "Toe hy nog ver aankom, het sy pa hom al gesien en hom innig jammer gekry. Hy hardloop hom tegemoet, omhels hom en soen hom.
21 Toe s die seun vir hom: 'Pa, ek het teen God en teen Pa gesondig. Ek is nie meer werd om Pa se seun genoem te word nie.'
22 Maar sy pa roep sy werksmense: 'Maak gou! Bring klere, die beste, en trek dit vir hom aan; sit vir hom 'n ring aan sy vinger en trek vir hom skoene aan!
23 En bring die vetgemaakte kalf, slag hom, en laat ons eet en feesvier!
24 Hierdie seun van my was dood, en hy lewe weer; hy was verlore, en ek het hom teruggekry.' Toe het hulle begin feesvier.
25 "Sy oudste seun was nog in die veld. Toe hy terugkom en naby die huis was, hoor hy die musiek en die singery.
26 Hy roep toe een van die bediendes nader en vra hom wat aan die gang is.
27 Die bediende antwoord: 'U broer het gekom, en u pa het die vetgemaakte kalf geslag omdat hy hom behoue en gesond teruggekry het.'
28 "Toe het die oudste seun kwaad geword en hy wou nie in die huis ingaan nie. Sy pa gaan toe uit en praat mooi met hom;
29 maar hy antwoord: 'Kyk, al die jare werk ek soos 'n slaaf vir Pa. Nog nooit het ek 'n opdrag van Pa verontagsaam nie, en vir my het Pa nog nooit eers 'n bokkie gegee sodat ek saam met my vriende kan feesvier nie.
30 Maar nou dat hierdie seun van Pa, wat Pa se goed met prostitute deurgebring het, terugkom, het Pa vir hom die vetgemaakte kalf geslag!'
31 "Toe s die pa vir hom: Kind, jy is altyd by my, en alles wat ek het, is ook joune.
32 Maar ons kan tog nie anders as om fees te vier en bly te wees nie, want hierdie broer van jou was dood, en hy lewe weer; hy was verlore, en ons het hom teruggekry."


Ons ken hierdie gelykenis wat vertel van die seun wat weggedwaal het, en die pa se verlange, en dan uiteindelik die pa se genade. En ja, natuurlik, God wat smag dat ons moet terugkeer as ons weggedwaal het, sodat Hy saam met ons 'n feesmaal kan hou. Hierdie gelykenis is eintlik so ryk aan lewenswaarhede, en ek dink ons kan elkeen met een van hierdie partye identifiseer. Ek dink ek is s diwels die ander seun

Kom ons kyk na die verskillende partye:
1) die vriende en prostitute, met wie hy sy erfporsie deurgebring het
2) die varke in die varkhok
3) die vetgemaakte kalf
4) die ander seun

1) Die seun sit sy erfporsie om in geld en bing dit met slegte vriende en prostitute deur. Nogal verstommend hoe hierdie partye in vandag se lewe iemand se verlorenheid kan vier, en daaraan deelneem, of hoe? Mooiweersvriende. Mense wat niks voel vir iemand wat weggedwaal het se sielskade nie. Vriende, solank die geld hou. Vriende, solank jy teen die Here kies. Mense wat jou aanvaar solank jy net nie te "heilig" raak nie. Daar is baie van hulle - of moet ek s baie van ons. Miskien is ek self een van hulle? Daardie vriendskappe waar die Here nie heeltemal welkom is nie.

2) Die varkhok-element: Toe die seun in die varkhok land, was alles verby. Die varke was heel gelukkig om hom toe te laat in 'n wreld van totale verval, in 'n lewe van dag tot dag-oorlewing, waar die lewe niks meer inhou as peule eet nie. Jy sien, daar is 'n toestand waarin mens kan verval waar niks meer saakmaak nie. Waar die lewe niks meer inhou wat enige uitdaging is, of bied nie. Waar niks meer saakmaak nie, waar die silwerrandjie om die wolk verdwyn het, en niemand meer enigsins vir mekaar omgee nie. So is dit daar in die varkhok. Die wonderlike is, die seun het slf besluit om uit te stap! Van verlore na gered, van nutteloos na oorvloed deur 'n KEUSE te maak.

3) Die volgende party is die vetgemaakte kalf. Die kalf wat die slagoffer word vir ander se voorspoed. Wat sy lewe gee omdat iemand terugkeer. Miskien klink hierdie heeltemal uit verband uit, maar dit laat my tog dink aan Jesus se kruisdood. Die volmaakte Lam wat Sy lewe gee sodat ons tot redding kan kom, sodat ons kan terugdraai. Die vetgemaakte kalf was lankal voorberei . Weet jy, Jesus was van altyd af daar. Volgens Joh 1 was Hy van die begin af daar en is alles deur Hom en vir Hom geskep. Vir baie lank is Hy voorberei vir 'n taak wat bitter swaar gendig het. Dat ek en jy na die Vader toe kan terugkeer het Sy lewe gekos. In die gelykenis is die kalf natuurlik maar net 'n lekkerny om mee partytjie te hou, en het niks te doen met die element van bekering nie. Maar tog het hy 'n "raw deal" gekry. Maar weet jy wat? As ons die Here se uitnodiging van die hand wys, was Jesus se kruisdood eintlik maar dieselfde as die kalf wat geslag is. Dan het dit gelei tot niks. Jesus, die volmaakte Lam, geslag vir my en jou. Het jy al jou redding, hierdie onverdiende genade gevier?

4) Dan is daar nog die ander seun, die oudste seun. Hy was kwaad omdat sy broer teruggekom het. Hoekom sou hy kwaad gewees het? Miskien omdat hy nie sy pa se hart verstaan het nie. Hy het nie geweet wat verlang beteken nie. Hy het geglo dat sy beloning groot moes wees omdat hy vasgebyt het, omdat hy niks verkeerd gedoen het nie. En dan het hy dalk ook gedink dat hy sy erfporsie weer sou moes deel. Het jy ook al gedink dat dit onregverdig is dat dit so goed gaan met die goddeloses? Geldgierigheid, wellus, misdaad, vernietig die samelewing - en dan - hier op nommer 99 kom hulle "woeps" tot bekering, en deel in AL die heerlikheid van God. En dan voel ons dis onregverdig dat ons al ons lewe so eng gelewe het, op die regte pad probeer bly het, onsself dinge ontneem het en dan kry ons dieselfde beloning. Wel, dit was die ander seun se probleem. Wat hy nie verstaan het nie, is dat hy al die tyd in l die heerlikheid gedeel het. Dalk het hy nooit gedink hoe mens kan smag na iets wat s volmaak is nie. Net so kyk ons vandag dit mis wat ons reeds het, nl. om al die tyd by die Vader te wees. Die sonde van die wreld laat die varkhok bestaan s aantreklik lyk, en die omgaan met slegte vriende en prostitute so lekker, maar dis nie die lewe nie. Het iemand al vir jou ges dat hulle daarna smag om te h wat jy het? Ja, miskien kry dalk finansiel swaar, miskien is daar slegte omstandighede, is al jou verhoudings nie volmaak nie, maar niks oortref dit om altyd by Pa te wees nie .. soos die oudste seun. Ons het alles as ons by die Here is, en ons deel elke dag in alles, maar ongelukkig smag ons soms na so ietsie van die jongste seun se lewe. Ironies, of hoe? Die jongste seun het sy lewe gehaat, die oudste seun was blind vir sy seninge.

Kom ons vier ons redding, maar meer nog, kom ons gun die verlorenes die vetgemaakte kalf.
 

Duplisering en verspreiding word toegelaat sonder veranderinge en met verwysing na die outeur (Willem Botha) en webruimte (www.heuning.co.za)