Die mens - wat 'n wonderlike wese. Geskape na die beeld van God. 'n
Uitsonderlike wese. Waarskynlik een van sy soort in die heelal. 'n
Masjien soos niks anders op aarde nie. Maar, hierdie masjien het 'n
begin, en 'n einde - hier op aarde. God het op 'n wonderbaarlike
manier die eerste mens geskep uit stof.
Gen 2 : 7 "Die
Here God het toe die mens gevorm uit stof van die aarde en
lewensasem in sy neus geblaas, sodat die mens 'n lewende wese geword
het".
So begin Adam se
lewe. (Glo jy dit? Regtig?) Wel, ek doen. My pa was beslis nie 'n
aap nie, al gedra ek myself dikwels soos een! En toe besluit God
dat die mens 'n maat nodig het.
Gen 2 : 21 - 25
Toe het die Here God 'n diep slaap oor die mens laat kom, sodat hy
vas geslaap het. Die Here God neem toe 'n ribbebeen uit die mens,
vul die plek met vleis op, 22 en die ribbebeen wat Hy uit die mens
geneem het, bou Hy om tot 'n vrou en bring haar na die mens toe. 23
Toe sê die mens: Hierdie keer is dit een uit myself, een soos ek.
Daarom sal sy "vrou" genoem word; sy is uit die man geneem. 24
Daarom sal 'n man sy vader en moeder verlaat en saam met sy vrou
lewe, en hulle sal een word. 25 Hulle twee, die mens en sy vrou, was
kaal, maar hulle was nie skaam nie.
Adam en Eva word
uniek geskep! Glo jy die storie van Eva? Klink dit vergesog? Wel,
dink net hoe jy tot stand gekom het!! Dit klink nog meer vergesog!!
Maar ons glo dit, want ons sien dit. Die mens het dus (ongeag van
hoè jy glo, of wat jy glo) 'n ongelooflike ontstaan.
Is jy bly jy leef,
of dink jy dis nutteloos?
Die mens se lewe
begin as 'n wonderwerk. Maar, die mens kom ook tot sterwe. Eintlik,
op sigself, nog 'n gróót wonderwerk. 70, 80 jaar, as niks intussen
gebeur nie. Baie goed kan gebeur. Goed waaraan ons onsself blootstel
beskadig hierdie liggame van ons, en ons vernietig dit. Mense pleeg
selfmoord, 'n vreeslike tragiese en ongelukkige ding wat gebeur.
Soms leef ons roekeloos, bv "speed kills". Maar, benewens hierdie
goed., het ons min beheer oor ons sterwens proses. Byvoorbeeld, sit
gou bietjie stil en laat jou hart ophou klop. Kan jy? Nee!! Hou gou
op asemhaal. Nie lank nie, of jou liggaam dwing jou om weer asem te
haal. Outomaties. Maar ….. God het besluit, die mens se lewe moet
eindig hier op aarde. Interessant, 'n baba moet leer loop, eet,
dink. So asof sy hele menswees in wording kom. Stadig maar seker. En
dan iewers, begin die sterwens proses. Is dit by geboorte? Of later,
so asof ons lewe oor 'n knikkie gaan en ons dan oppad afdraand is.
En stadig maar seker begin die sterfproses.
Pred 12 : 1 - 7
Dink aan jou Skepper in jou jong dae voor die swaar dae kom, die
jare aanbreek waarvan jy sal sê: Ek het daar niks aan nie. 2 Dit is
die tyd wanneer die son donker sal word en ook die daglig, die maan
en die sterre, die tyd wanneer dit weer bewolk word ná die reën. 3
Dit is die tyd wanneer die wagters van die huis sal bewe, die sterk
manne waggel en die malers ophou maal omdat hulle min geword het,
die tyd wanneer dit donker word vir dié wat deur die vensters kyk, 4
wanneer die deure na die straat toe toegemaak word, die geluid van
die meul dof word, die tyd wanneer 'n mens opstaan as die voëls
begin sing al hoor hy geen lied meer nie. 5 Dit is die tyd wanneer
hy bang is vir 'n hoogte en vir alles op die pad skrik, die tyd
wanneer die amandelboom in bloei staan, die sprinkaan homself
moeisaam voortsleep en die kapperkruid nutteloos word, die tyd
wanneer die mens na sy ewige woning gaan en dié wat treur, op die
straat rondgaan, 6 die tyd wanneer die silwerdraad afgebreek word en
die goue kruik breek, die kruik by die fontein stukkend breek en die
wiel by die put stukkend val, 7 die tyd wanneer die stof na die
aarde toe terugkeer soos dit was, en die gees na God terugkeer wat
dit gegee het.
So kom ons tot 'n
einde.
Dis die lewensiklus.
Ons kry kinders om vir ons plesier te gee in hulle lewe, net om weer
tot 'n einde te kom. Die vraag wat oorbly is ……… wat gebeur tussen
hierdie A - Z. Alfa en Omega - begin en einde.
Prediker 12 begin
met die antwoord wat God wil hê. "Dink aan jou Skepper in jou
jong dae." Hoekom moet jy aan Hom dink? Wat van diè wat niè aan
Hom dink nie?
Die antwoord is in
vers 7. "Die tyd wanneer die stof na die aarde toe terugkeer soos
dit was, en die gees na God terugkeer wat dit gegee het."
Met geboorte skep
God jou siel, en met jou sterwe gaan dit na een van twee plekke toe.
En die Bybel is baie duidelik daaroor!! Of by God in die hemel, of
by Satan in die hel!! Klink dit vir jou wreed? Nee, die Bybel vertel
vir jou en my presies wat om te doen om reg te kies. Pred 12 begin
"Dink aan jou Skepper in jou jong dae." Sjoe, vanaf geboorte
hou God 'n klomp keuses vir ons voor.
Hoe jy lewe, in 'n
sekere mate hoe jy sterwe. En dan, waar jy jou ewigheid gaan
deurbring.
Ons is liggaam, siel
en gees. Ons kan die vlees laat oorheers hier op aarde, en al die
verkeerde dinge geniet, of ons kan dat die Gees ons lei. Albei
opsies het 'n baie, baie, baie lang gevolg. En dis óf hemels, of hel
- letterlik!! "Dink aan jou Skepper in jou jong dae."
Nou ja, wat maak ons
tussen hierdie twee massiewe momente in ons lewens? Geboorte tot
sterwe. Wat maak die lewe die moeite werd?
Geniet die lewe, ten
volle. Ek wonder hoekom mense dit so moeilik vind? Ons het net een
lewe. Hoe sal ons die gemiddelde mens se lewe beskryf? Dalk iets
soos "Opleiding, skool ens, werk, dan nog werk, weer werk, aanhou
werk, pensioen - en nog werk, sterf?" Moenie so wees nie. Daar moet
lekker goed ook wees.
1. Geniet die lewe.
2. Voeg waarde toe aan ander se lewens. Jesus se opdrag was duidelik,
"sorg ook vir die armes." As wat ons het, dan seëninge is, hoekom
weerhou ons dit van ander? Maak dus 'n verskil aan die gemeenskap.
3. Laat 'n goed opgevoede nageslag agter. Jou kinders, maar ook jou
invloed op ander.
4. Die belangrikste. Wees verantwoordelik vir ander mense se
langtermyn toekoms in die hemel. Jesus se opdrag. "Gaan maak die
mense My dissipels."
En dan op die oudag?
Hou op om terug te baklei na vervloë dae. Geniet die rustigheid.
Bring dae en dae by Jesus se voete deur. En hou op nutteloos voel!
Wat is die kragdadigste ding wat ons kan doen? Bid. Vir alles, almal,
die land, ens. Geniet die oudag, totdat die oorgangstyd kom!!! In
Jesus se geselskap!
Dink aan die Here,
in jou jong dae!
|