DIE TYD AS DIT NET JY EN GOD IS


Daar kom 'n tyd wanneer dit net jy en God is. 'n Tyd wanneer niks van hierdie wreld meer saak maak nie. Niks van die swaarkry nie, ook niks van die lekker dinge nie. Daar sal geen waarde wees in enige van jou besittings nie. Dit sal nie saak maak hoeveel jy bymekaar gemaak het nie, ook nie hoeveel aansien jy gehad het nie. Daardie tyd is die tyd wanneer alles wat eens op 'n tyd s belangrik was, nou absoluut geen waarde het nie. Al die gejaag na wind, het in hierdie tyd tot heeltemal niks gelei nie. Wanneer daardie dag kom, is dit nt jy en God. Wat verby is, is dan verby. Vir ewig.

Net jy en God daardie ontmoeting is f een van vreugde, of een van hel (letterlik). Die mens loop iewers sy laaste pad. Ook maar goed so, wie wil dan vir nog duisend jaar in hierdie lewe vasgevang wees? As ons saak met God reg is, word hierdie lewe verruil vir 'n baie beter een. Dan is dit net jy en God. Wat in jou lewe gebeur het tot dan, word nou geskiedenis.

Nou kan ons vra: wat dan van die tyd van geboorte af tot die tyd kom dat dit net jy en God is? Of sommer net: wat van nou tot dan? Hoe sal ons die tyd wat oorbly spandeer? Ai, is ons nie eintlik dwaas nie? Is dit nie soos die Prediker s nie? Alles kom tot niks.

Pred 12:1-8
Dink aan jou Skepper in jou jong dae voor die swaar dae kom, die jare aanbreek waarvan jy sal s: "Ek het daar niks aan nie".
Dit is die tyd wanneer die son donker sal word en ook die daglig, die maan en die sterre, die tyd wanneer dit weer bewolk word n die ren.
Dit is die tyd wanneer die wagters van die huis sal bewe, die sterk manne waggel en die malers ophou maal omdat hulle min geword het, die tyd wanneer dit donker word vir di wat deur die vensters kyk,
Wanneer die deure na die straat toe toegemaak word, die geluid van die meul dof word, die tyd wanneer 'n mens opstaan as die vols begin sing al hoor hy geen geluid meer nie.
Dit is die tyd wanneer hy bang is vir 'n hoogte en vir alles op die pad skrik, die tyd wanneer die amandelboom in bloei staan, die sprinkaan homself moeisaam voortsleep en die kapperkruid nutteloos word, die tyd wanneer die mens na sy ewige woning gaan en di wat treur, op die straat rondgaan,
Die tyd wanneer die silwerdraad afgebreek word, en die goue kruik breek, die kruik by die fontein stukkend breek en die wiel by die put stukkend val,
Die tyd wanneer die stof na die aarde toe terugkeer wat dit gegee het.
Alles kom tot niks, s die Prediker, tot niks.

Sjoe, dit alles klink maar bietjie mistroostig, of hoe? Maar dit is nie waar nie. Ons probleem is net dat ons lewe asof alles net oor goeters gaan. En natuurlik probeer ons al hoe harder om nog langer en langer te leef. So asof daar dan sveel is om aan vas te hou in hierdie lewe. Ja, ons moet werk, en ons moet bates bymekaar maak, en ons moet poog om onsself te verbeter. Ongelukkig kom sommige van ons by 'n tyd waar dit AL is wat saakmaak. En dan besef ons nie dat daar 'n tyd gaan kom dat dit net ons en God is nie. Vir di wat tot dan wag om met God iets te doen te h, sal dit nag wees.

Prediker gee self ook die antwoord: Pred 12:1 "Dink aan jou Skepper in jou jong dae, voor die swaar dae kom."

As dit net jy en God is, wat sal Hy s? "Wie is jy? Ek ken jou nie?" Of dalk: "My kind, welkom by die huis; Ek het gewag vir jou". Dan is dit lekker as dit net jy en God is.

Ek vra weer: waarmee is jy besig tot dan? In Pred 2 s hy "ek het kennis vergader, ek het plesier nagejaag, besigheid gedoen, huise gebou, opgegaar, ryk geword" toe kom alles tot niks. Hoe kan ons dit anders doen?

1) Ek en jy kan plesier in die lewe h sonder om geld in oorvloed te h, en sonder dat ons iets doen wat teen God se wil is. Vriendskappe kos nie geld nie. 'n Goeie reis hoef nie oorsee te wees nie, dit kan 'n dag rens in die natuur wees.
2) Werk hoef nie altyd inspanning te wees nie; ook nie noodwendig konflik in te hou nie. Miskien moet ons weer iets lekker in ons werk gaan ontdek - dalk probeer om elke dag iets nuut te leer. Miskien moet ons net weer bietjie ons seninge tel by die werk. Doen jou werk asof jy dit vir die Here doen.
3) Weet jy wat maak dalk die tyd wat oorbly geweldig sinvol? As ons ietsie vir iemand anders doen. Jesus s selfs 'n glas water sal al tel. Dalk 'n oproep, 'n vinnige kuiertjie, bietjie hulp aanbied .. 'n klein takie wat ons vir iemand anders kan doen om die lewe vir hulle makliker te maak. Dalk kan jy ook so bietjie van jou geld weggee vir di wat minder het as jy.
4) Dan seker die beste van die bestes, is om 'n Geestelike pad met iemand te stap. Onthou jy die liedjie: "moet ek gaan met le hande, moet ek so my Heer ontmoet? Nie n siel gelei na Jesus, niks te offer aan Sy voet". Wanneer dit net jy en God is, wil jy tog seker nie met le hande staan nie, of hoe?

Stadig maar seker kom daardie dag vir ons elkeen, die dag wanneer dit net jy en God sal wees. Hoe lyk die pad van nou tot dan? Ek glo dit moet 'n lekker pad wees, of dit 60 of 2 jaar is. Pred 12:13: "Die slotsom van alles wat jy gehoor het, is dit: Dien God en gehoorsaam Sy gebooie. Dit is wat van die mens gevra word". Pragtig, n? As ons DIT najaag, gaan ons lewe nie afdraande tot by die punt waar die silwer draad afgebreek word nie. Daar is mense wat al baie oud is, wat 'n positiewe verskil maak aan ander mense. Weet jy, dat jy in 'n rolstoel kan sit en vir iemand in die gevangenis 'n brief kan skryf? Een uur 'n maand wat jy aan iemand anders spandeer, en dit gaan vir jou vreugde verskaf. R10 van jou geld koop 'n brood vir 'n hele gesin vir 'n dag. Al hierdie goed pas in Jesus se definisie van diensbaarheid aan God. Hy s: "wat jy aan die geringstes gedoen het, het jy aan My gedoen". En as jy dit self nie breed het nie, onthou jy het gawes wat jy kan gebruik: praat, bemoedig, bid, luister Dan, as dit net jy en God is wat oor is, gaan Hy vir jou s: "mooi so, goeie en getroue dienskneg". Jy kan nie 'n kar of 'n huis of 'n besigheid op daardie dag voor Hom neersit nie, net ander mense

Kom ons maak 'n sommetjie - bereken vandag wat jy nog kan doen met die silwer draad wat oor is.

Dink aan God in jou jong dae, sodat, as Hy l is wat oor is, dit al is wat jy wil h.
 

Duplisering en verspreiding word toegelaat sonder veranderinge en met verwysing na die outeur (Willem Botha) en webruimte (www.heuning.co.za)