EK IS TOT ALLES IN STAAT


Weet jy waartoe jy in staat is? Besef jy wat die Here in jou ingebou het? Weet jy wat jy alles kan vermag? Weet jy hoeveel kennis, ondervinding en inligting jy het? Besef jy wat se stuk wonderwerk voor jou staan as jy in die spieŽl kyk? Weet jy wat dit beteken om na die beeld van God geskape te wees? My vriend, jy is baie meer as wat jy dinkÖ JY is 'n lopende wonderwerk.

Gen 1:26-27
Toe het God gesÍ: "Kom Ons maak die mens as ons verteenwoordiger, ons beeld, sodat hy kan heers oor die vis in die see, die voŽls in die lug, die mak diere, die wilde diere en al die diere wat op die aarde kruip." God het die mens geskep as sy verteenwoordiger, as beeld van God het Hy die mens geskep, man en vrou het Hy hulle geskep.

Jy is God se verteenwoordiger. Dis soos 'n ambassadeur. 'n Ambassadeur is in 'n land in die plek van 'n hele nasie wat hy verteenwoordig. Sů het God jou en my gemaak en aangestel as Sy verteenwoordiger.

Ek dink dis tyd dat ek en jy ons status opneem hier op aarde. Ek dink ons moet begin besef wat ons doel op aarde is, ons verantwoordelikheid , en ons moet besef wat die krag is wat God in ons ingebou het. Ons kan staande bly - ons kan die ken oplig, rug reguit maak, hakke inkap en sÍ: "Ek is die kind van 'n Koning"

Fil 4:10-20
Ek was baie bly in die Here dat julle na so 'n lang tyd weer gewys het dat julle nog aan my dink. Nie dat julle my ooit vergeet het nie, julle het net nie die kans gehad om iets te doen nie.
Ek sÍ dit nie omdat ek gebrek ly nie, want ek het geleer om my in alle omstandighede te behelp.
Ek weet wat armoede is en ek weet wat oorvloed is; van alles het ek ondervinding: om genoeg te hÍ om te eet sowel as om honger te ly, om oorvloed te hÍ sowel as om gebrek te ly.
Ek is tot alles in staat deur Hom wat my krag gee.
Nietemin het julle goed gedoen deur my in my moeilike omstandighede by te staan.
Julle in Filippi weet ook dat in die begin van my evangelieprediking, na my vertrek uit MasedoniŽ, geen enkele gemeente behalwe julle 'n aandeel gehad het aan my rekening van inkomste en uitgawe nie.
Ook toe ek in Tessalonika was, het julle meer as een maal iets vir my behoeftes gestuur.
Dit gaan vir my egter nie om die gawe nie, maar om die vrug daarvan: daardeur word julle self ryker.
Maar ek het alles ontvang en ek het meer as genoeg. Noudat ek van Epafroditos ontvang het wat julle gestuur het, het ek alles wat ek nodig het. Julle gawe is voor God 'n offer met lieflike geur, vir Hom aanneemlik en welgevallig.
En my God sal in elke behoefte van julle ryklik voorsien volgens sy wonderbaarlike rykdom in Christus Jesus.
Aan ons God en Vader behoort die heerlikheid tot in alle ewigheid! Amen.

Paulus is hier aan die woord, met 'n baie bekende frase: "Ek is tot alles in staat deur Hom wat my krag gee". Glo jy dit?

Kom ons sÍ ek laat my kind vir 10 jaar bokslesse neem, hy word 'n kampioen, en een dag kom hy huilend by die huis en sÍ so 'n maer, tengerige seuntjie het hom geboelie en omgestamp. Wat sal jy sÍ? "Nee man, staan jou man"

Of, jy koop 'n opregte bullterriŽr, en jy lei hom op om vreeslik aggressief te wees. Dan kom daar een nag 'n inbreker en jaag jou woeste waghond met een skree in sy hok in. Dan was die hond se naam nog iets soos Hitler!! Dan sal jy dink, maggies brak, is jy dan niks werd nie?

Nou vra ek jou: wat sien die Here as Hy na ons kyk, en as Hy na ons luister? Ö daar waar ons so in 'n bondeltjie staan en kla:
- oee, die krag is alweer af
- oee, kyk hoe stel hulle die verkeerde mense bo my aan
- oee, jy weet, hulle bestuur ons land in die grond in
Ek wonder wat die Here van ons dink, Hy wat sÍ: "jy is tot alles in staat"?

Wie is jy - wenner of verloorder? Vasberade of kragteloos? Positief of negatief? Fier en regop, of verlep en nutteloos? Dink jy nie ons mors partykeer die krag wat God in ons ingebou het nie?

Kom ons kyk bietjie wat God in die natuur doen:
'n Vink bou 'n nessie in net so 3 dae, en dit net met sy pote en sy bek. Niemand het hom opgelei nie, hy het geen kursus deurloop nie, nie 'n vakleerlingskap gedoen nie. Hy bou 'n volmaakte nes, sonder 'n plan op papier, met materiaal wat die Here vir hom voorsien het. Matt 6:26 - Kyk na die wilde voŽls: Hulle saai nie en hulle oes nie en hulle maak nie in skure bymekaar nie; julle hemelse Vader sorg vir hulle. Is julle nie baie meer werd as hulle nie? Glo dit! Ek verstaan nie voŽltjie -taal nie, maar ek glo nie die gekwetter van voŽltjies is kla of skinder nie. Dit klink vir my meer soos lofprysing.

Waarmee hou ons onsself besig in moeilike tye? Ö mors ons dalk ons energie?

Kom ons dink bietjie hieroor: hoe sleg gaan dit regtig vandag met jou? Het jy vandag geŽet? Het jy laasnag 'n dak oor jou kop gehad? Is jy nou oppad werk toe (m.a.w het jy 'n werk)? Is jy gesond? Is daar liefde in jou huis? "Werk" jou arms en jou bene? .. en jou brein? Wel, indien jy "ja" kon sÍ op 'n paar van hierdie vrae, gaan dit heel goed met jou! Dan KAN jy sÍ "Ek is tot alles in staat deur Hom wat my krag gee". Miskien moet ons bietjie hieraan dink: SÍ nou ons kla so baie dat God hierdie krag wat Hy ons gee, wegvat. Wat dan?

Hier is so 'n paar punte om aan te dink:
1) Kla vermors energie. Kla is negatief, dit maak van ons verloorders.
2) Suid-Afrika is toe NIE die slegste plek op aarde nie.
3) Swaar tye bring geleenthede - sien dit raak!
4) Jy is tot meer in staat as wat jy dink
5) Die Kragbron, Jesus Christus, is 'n onuitputlike bron Ö daardie krag gaan nooit af nie.
6) Jy kan baie meer verwerk en hanteer as wat jy dink.
7) Die Here het planne vir jou te midde van jou omstandighede.
8) Jy is 'n wenner, as jy een wil wees! Om 'n verloorder te wees hoef ons net niks te doen nie - dis sommer outomaties. Om 'n wenner te wees is 'n keuse, as jy kan vashou aan God se belofte: "ek is tot alles in staat deur Hom wat my krag gee"

 

Duplisering en verspreiding word toegelaat sonder veranderinge en met verwysing na die outeur (Willem Botha) en webruimte (www.heuning.co.za)