GOD PRAAT - HOOR JY DIT?


Het jy al God se stem gehoor? Het jy al ervaar dat God met jou praat? Om vir jou 'n spesifieke woord, of opdrag, of 'n woord van bemoediging te gee? Ek is seker dat ons almal sekerlik op een of ander manier God se stem gehoor het. En ek is seker ons almal smag daarna dat die Here spesifiek met ons praat. Wel, dit gebeur, en dis reg so. God praat met Sy kinders. Op verskillende maniere. Baie mense smag daarna om God se stem te hoor, daarom lees hulle geestelike boeke, luister na geestelike programme, ens. Ek het bietjie op die internet gesoek na artikels oor hoe om God se stem te hoor. Daar is baie mense wat probeer voorskryf "hoe"; ek het selfs een gevind wat sÍ: "three steps to hear God's voice - guaranteed".... en dan moet jy betaal om diť drie stappe uit te vind!

Ek wil eers vir jou 'n paar vrae vra:- Hoekom wil jy God se stem hoor? Wat wil jy hoor? Wat moet Hy vir jou sÍ? Waaroor moet Hy met jou praat? Wat is ek en jy bereid om te doen met dit wat Hy vir ons wil sÍ? Ongelukkig is dit so dat ons soms net wil hoor wat ons pas. En nog meer, soms soek ons so 'n bietjie toekomsvoorspelling sodat die Here vir ons kan vertel dat daar lekker voorspoed wag, en dalk op die koop toe so 'n bietjie finansiŽle gewin. Dan gaan klop mense sommer maklik by sogenaamde profete aan as die Here nie gou genoeg met hulle persoonlik praat nie.

Jer 23 : 16 - 17
16 So sÍ die Here die Almagtige: Julle moenie luister na wat die profete sÍ nie, die profete wat vir julle as profete optree. Hulle wek vals verwagtings by julle, hulle praat oor visioene wat hulle self uitdink, nie oor wat die Here sÍ nie.
17 Hulle hou aan om vir diť wat My minag, te sÍ: "Die Here sÍ daar sal vrede vir julle wees." Vir diť wat hardkoppig is, sÍ hulle: "Daar sal nie 'n ramp oor julle kom nie."

Moeilike een diť. Oppas, baie mense vertel maklik stories wat hulle self opdis. Alles wat mense sÍ, kom nie noodwendig van die Here af nie. As iemand iets in die Naam van die Here sÍ, vra eers "SÍ wie?"

Hoe kan ons die stem van die Here hoor?  Kom ons kyk so bietjie terug in die geskiedenis hoe God met Moses gepraat het.

Eks 3 : 1 - 6
1 Moses het die kleinvee van sy skoonpa Jetro, 'n priester van Midian, opgepas. Hy het die kleinvee diep die woestyn in gejaag totdat hy by Horeb, die berg van God, gekom het.
2 Toe verskyn die Engel van die Here aan hom in 'n vlam binne-in 'n doringbos. Terwyl hy kyk, sien hy dat die doringbos aanhou brand, maar nie uitbrand nie.
3 En Moses sÍ vir homself: "Ek wil tog 'n bietjie nader gaan om hierdie wonderlike verskynsel te bekyk. Waarom brand die doringbos dan nie uit nie?"
4 Toe die Here sien dat hy nader kom om te kyk, roep God na hom uit die doringbos: "Moses! Moses!" En hy antwoord: "Hier is ek."
5 Die Here sÍ toe vir hom: "Moenie nůg nader kom nie. Trek uit jou skoene, want die plek waarop jy staan, is gewyde grond."
6 Verder sÍ Hy: "Ek is die God van jou voorvaders, die God van Abraham, die God van Isak, die God van Jakob." Toe maak Moses sy gesig toe, want hy was bang om na God te kyk.

'n Baie, baie spesiale en gewyde oomblik toe God met Moses praat. Stem jy saam dat dit 'n baie besondere en heilige oomblik was? Nie sommer so in die 'stride' nie? As ons die Here se stem wil hoor, kan ons verwag dat God met ons moet praat soos met Moses? Kom ons ontleed dit so bietjie:-

1. God praat op Sy tyd, Sy metode en Sy terme met Moses. Hy het besluit wanneer Hy met Moses gaan praat. Dit is God se inisiatief, en Sy besluit.
2. Hy verskyn op 'n bonatuurlike manier aan Moses, in 'n bos wat nie uitbrand nie.
3. Hy sÍ vir Moses: "Trek uit jou skoene, want die plek waarop jy staan, is gewyde grond". Sien jy dat dit 'n absolute heilige oomblik is? Nie sommer so "skreeu oor die draad" gesprek nie.
4. Hy openbaar Homself baie baie duidelik aan Moses. "Ek is die God van jou voorvaders, Abraham, Isak, Jakob." Daar is nie twyfel oor wie dit is wat praat nie.
5. Moses beleef die oomblik so intens dat hy sy gesig moes toemaak.

Inderdaad, dit lyk of 'n ontmoeting met die Oppermagtige God 'n baie, baie spesiale oomblik is. En toe gee God vir Moses boonop 'n opdrag waarvoor hy nie baie lus was nie. Hy het God se stem gehoor, maar wou nie doen wat God sÍ nie.

Toe Jesus sterf het die voorhangsel geskeur, en het ons deur Hom vrye toegang na die Allerheiligste toe. Daar is nou 'n reguit, oop kommunikasielyn na God toe. Dit is nie meer nodig om deur die profeet te gaan nie.

 Kan ons vandag God se stem hoor? Ja, verseker! Ek vra net: Is jy bereid om God se opdragte uit te voer wat Hy aan jou openbaar? Het die woorde: "En toe sÍ die Here vir my", nie dalk so bietjie goedkoop geword nie? Ons hoor dit deesdae nogal baie. Klink nogal goed en spesiaal. Maar kom dit regtig van die Here af? My vriend, moet nooit die Here aanhaal vir iets wat Hy nie gesÍ het nie!

Hoe hoor ons Sy stem?

∑ Soms in 'n gedagte wat by jou opkom wat maar net nie wil weggaan nie. En soms word dit op verskeie maniere bevestig.
∑ Soms onder gebed. Wanneer jy 'n gewaarwording kry wat net bonatuurlik sin maak.
∑ Soms deur eksterne situasies. Iets wat iemand sÍ, of 'n insident wat sterk aanhaak by dinge waaroor jy in elk geval wonder of tob.
∑ Soms deur iets wat iemand sÍ. Partykeer praat die Here met jou deur die oop- en toemaak van deure.
∑ Verseker deur gesigte, of drome en visioene. Gebeur definitief vandag.
∑ Baie keer deur 'n preek, of iets wat jy lees, of deur iemand anders se gebed.
∑ En dan natuurlik - deur Sy Woord.

Hoe praat Hy deur Sy Woord? Wel, jy moet dit lees. Die grootste geheim! Iemand sÍ eendag vir 'n ds: "Ek staan op die Woord". Toe sÍ die ds: "Klim af en lees dit".

Probeer bietjie hierdie:-

Neem in jou stiltetyd 'n gedeelte in die Bybel. Nie 'n lang stuk soos 'n hoofstuk nie, net 'n paar verse. Lees die stuk so drie keer stadig deur, sonder om dit te probeer verklaar, of selfs om die presiese konteks te verstaan. Neem dan 'n pen en 'n notaboek en vra jouself die vraag:- Wat wil die Here VANDAG vir MY deur hierdie gedeelte sÍ. Begin om die gedagtes wat in jou kop opkom neer te skryf. Lees die stuk weer, bid dat die Here vir jou dit sal oopbreek, en wees bereid om alles te doen wat God dalk vir jou mag sÍ. Skryf in ek-taal, bv. die Here vra vandag vir my of ek Hom waarlik lief het. Gaan lees dan agterna 'n paar keer wat jy geskryf het. Jy gaan nogal verstom staan hoe die Here met jou praat.

Jy sien, die Here praat op baie maniere met mense, maar ons moet soms gaan toets of dit regtig Sy stem is wat ons gehoor het. Hoe weet ek dit is God se stem? Toets dit aan die woord, God sal nooit iets sÍ wat in stryd is met Sy Woord nie. As dit jou lei in 'n dieper verhouding met Hom, na meer liefde vir Hom en vir ander dan is dit Sy stem. As dit jou hart sagter maak vir ander, en nie net oor jou eie belange en welstand gaan nie, is dit Sy stem.

Onthou:
1. Soms, moet ons wag! Wees geduldig om God se stem te hoor!
2. Mens kan die beste hoor as jy doodstil bly. Wag dikwels in stilte op die Here.
3. Wees bereid om God se antwoord op 'n versoek te aanvaar. Soms sÍ Hy nee!
4. Gaan doen wat Hy sÍ jy moet doen!
5. Om met die Oppermagtige God in gesprek te wees, is 'n heilige oomblik!

Lees hier meer oor diť onderwerp >>
 

Duplisering en verspreiding word toegelaat sonder veranderinge en met verwysing na die outeur (Willem Botha) en webruimte (www.heuning.co.za)