TWEEDE HELFTE


Pred. 1 : 1 - 11 Woorde van die Prediker, seun van Dawid en koning in Jerusalem. 2 Alles kom tot niks, s die Prediker, tot niks. 3 Wat kry die mens vir sy geswoeg, sy geswoeg in hierdie wreld? 4 Geslagte kom en geslagte gaan, maar die wreld bly altyd dieselfde. 5 Die son kom op, die son gaan onder, en dan haas hy hom weer na waar hy opkom. 6 Die wind waai suid, draai noord, waai hierheen en daarheen en dan draai hy maar weer. 7 Al die riviere loop in die see in, maar die see word nooit vol nie. Die riviere hou aan om te loop na die plek toe waarheen hulle altyd geloop het. 8 Woorde vervaag mettertyd, en 'n mens kry nie klaar met praat nie. Die oog kyk, maar kry nie klaar met kyk nie; die oor hoor, maar kry nie klaar met hoor nie. 9 Wat was, sal weer wees; wat gebeur het, sal weer gebeur. Daar is niks nuuts in hierdie wreld nie. 10 Kan jy van iets s dit is nuut? Nee, dit was lankal daar, lank voor ons tyd. 11 Wat verby is, word vergeet, en ook wat later kom, sal vergeet word deur di wat daarna kom.

Hoe val hierdie gedeelte vandag vir jou op die oor? Voel jy ook soos die Prediker? So asof jy moed opgee. So asof jy s: wat help alles, ek spring sommer van 'n brug af. Alles kom tot niks, tot niks. Klink sommer depressief. Ek het baie gewonder hoekom klink die Prediker so moedeloos. Hy praat van al sy wysheid, sy wingerde, rykdom, maar die arme man klink nie goed nie. Weet jy wat dink ek? Ek dink die ou was in 'n vreeslike "mid-life crisis" gewees toe hy die boek geskryf het. Ek voel ook dikwels so. So, maak nou maar jou eie afleidings. Natuurlik weet ek nie wat sy omstandighede was nie, maar ek wil graag hierdie gedeelte gebruik en praat oor 'n voortreflike tweede helfte. Tweede helfte van wat? Wel, die tweede helfte van jou lewe.

Jy val in een van die volgende kategorie:

f jy is nog op pad halfpadmerk toe; 
f jy is nou daar by die halfpadmerk; 
f jy is al verby.

As jy al verby jou halfpadmerk is, dan is jy f in 'n voortreflike, gelukkige tweede helfte, of jy voel soos die Prediker. Goeie nuus is, dit kan vandag verander, as jy wil.

Nou, vir di wat nie weet nie, die tweede helfte van n ou se lewe (rofweg so na 40) is 'n vreeslike tyd. Mens se kop begin die snaaksste somme maak, jy besef jou pensioen gaan dit nie maak nie, jou voorkoms begin 'n krisis raak, jy haat die spiel (en soms die skaal ook), en dan land jy sommer in 'n volbloed "mid-life crisis". En as jy nog jonk is, luister maar baie mooi, want dit kom; jy kan egter n al 'n paar goeie besluite maak wat jou gaan help in jou tweede helfte.

Wat gebeur met iemand wat verby die halfpadmerk is?

1. Jy tel elke dag die jare tot 60. 

2. Jy klou verbete vas aan die stukkie jeugdigheid wat nog in jou oor is. 

3. Jy probeer die tyd briek soos wanneer jy rem aan jou groot hond wat jou vir 'n stappie vat. 

4. Jy glo jy kan nou jou s s soos jy altyd wou, maar word dan sommer ongeskik. 

5. Mans begin snaaks aantrek, die bles toekam, skryf sy naam op sy nommerplaat, koop duur speelgoed en kleur sommer sy hare. Of swart, of grys. En ja, geniet die aandag van die poppie by die werk totaal op 'n ongesonde manier. Dan moet jy sien hoe ons die pens probeer intrek as ons met haar praat. Shame! Vrouens oorweeg 'n gesigsontrimpeling, en ja, allerhande operasies om swaartekrag teen te werk. Ek praat natuurlik nou van die dubbele ken!

Jip, ons veg verbete teen tyd. Hierdie dinge, is so eie aan mense wat nog nie in 'n voortreflike tweede helfte is nie. Die wat wel is, lag vir ons! En in plaas daarvan om die hond te los laat hy maar hol, waggel ons agterna. Partykeer met baie slegte gevolge. Want jy sien, die poppie by die werk weet nie dat jy teen jouself in opstand kom nie, en bewonder jou wysheid en sien nie jou dwaasheid raak nie. Jy probeer verbete die laaste paar trappies na werk sukses en direkteurskap ophyg, en verwoes alles wat eintlik belangrik is, soos jou eggenoot, kinders en jou God. Hierdie dinge maak dat jy spyt het oor alles wat jy toe nie bereik het nie, en vervang dit met die verkeerde goed. Nou vra ek vir jou, wat is in jou lewens boksie wat 'n goeie tweede helfte verhoed? Geld, verkeerde verhoudings, slegte verhoudings, drank, sonde, skelmpie, gejaag na kwalifikasies, roem? Net jy sal weet. Dink bietjie ....

Ek het nou net 'n klomp negatiewe dinge genoem. Maar kom ons kyk wat moet in jou lewens boksie kom om van 'n ordinre of ongelukkige eerste helfte na 'n gelukkige en voortreflike tweede helfte oor te gaan, ongeag van jou ouderdom. Wat van dinge soos: 'n verhouding met die Here, jou gesin, tevredenheid, goeie vriende, liefde vir jou huweliksmaat, Jesus Christus.

Jy sien, die probleem is dat ons die goeie en slegte goed sm in die boksie probeer inprop en dan werk dit teen mekaar, en vernietig jou lewensuitkyk. Halftyd, is 'n tyd om te besin, en nuwe besluite te neem. As jy jonk is, kan mens betyds hierdie negatiewe dinge regstel, maar die probleem is dat die rotresies dit nie toelaat nie. Die meeste jonger mense, in hulle twintigs en dertigs, jaag teen die suksesleer op, en die meeste maak dit in elk geval nie. Dan is halftyd aaklig.

Nou hoe dan nou? As jy een van hierdie onvergenoegdes is, is dit dalk tyd om te besin oor hierdie teleurstellings. Weet jy wat is die beste ding om te doen? Dis om dit eenvoudig te aanvaar, en sommer net te gaan terugleun in Jesus se arms. Moenie verbete bly veg nie, dit help nie. Pred 2 : 24 "Dit is nie aan die mens self te danke dat hy kan eet en drink en onder al sy arbeid nog die goeie kan geniet nie. Ek het ingesien dat dit 'n gawe uit die hand van God is." As jy by daardie punt is, is jy in 'n goeie tweede helfte.

Antwoord bietjie hierdie vraag:- Wat sou jy wou h moet jou grafskrif wees?

1. Wat sal jou gesin skryf? Dalk: hy was 'n goeie mens, maar geen pa vir sy kinders nie. 

2. Wat sal jou werkgewer skryf? Hy was' n uitstekende werker, selfs sy familie vir my besigheid ingeruil. Hy het vir my baie geld gemaak. 

3. Wat sal jou jou vriende skryf? Willem, watter Willem? Of dalk: hy kon lekker sports maak met 'n paar doppe in. 

4. Wat sal jou skelmpie skryf? Hy het my toe nooit regtig liefgehad nie.

5. .. en God? Dalk: Ek ken hom nie. (Mat 7: 23).

Wat sou jy wou skryf? Skryf dit vandag, voor die verkeerde goed daar land.

Iemand s eendag op sy graf sal staan: 100x (Na aanleiding van Matt 13 : 8 wat praat van die saad wat honderdvoudig vrug dra). Myne sal s: "Hy het nie geleef om dood te gaan nie, hy het geleef tot hy dood is." Jy sien my vriend, hierdie wreld word nie beter nie, jy word nie jonger nie, jy gaan tien teen een nie ryk word nie, jou huwelik gaan nie vanself verbeter nie. Alles hang van jou keuses af. Keuses wat jy vandag maak. Verander wat jy kan as dit sinvol is, maar as jy nie kan nie, aanvaar dit, en geniet dit. Moenie hierdie slegte tye, of die land, of die regering, of iets anders die skuld gee nie. Nee, staan op, neem beheer, maak sin van die lewe. Jy kan. Hoe? Jy sien, as jy alles in jou lewensboksie uitgooi, en net vir Jesus daarin sit, sal net die regte goed in jou lewe gebeur. Jou huwelik, lewensvreugde, alles, is in Hom te vind. En dan kan Fil 4 : 7 vir jou waar word: En die vrede van God wat alle verstand te bowe gaan, sal oor julle harte en gedagtes die wag hou in Christus Jesus.

Hou op jaag en jou familie verwoes. Moenie te veel hoop op hierdie lewe sit nie, jy gaan dit in elk geval nie oorleef nie. Maak vir jou skatte in die hemel bymekaar. Begin vandag om n voortreflike tweede helfte binne te gaan.
 

Duplisering en verspreiding word toegelaat sonder veranderinge en met verwysing na die outeur (Willem Botha) en webruimte (www.heuning.co.za)