Hoe aangenaam is U Woord, soeter as heuning in die mond

Heuning is 'n rusplekkie, 'n kuierplekkie, weg van die sorge van die lewe, weg van die gejaag en gewoel en gewerskaf, weg van al die gestoei om te oorleef.
Hier kan jy soet druppels uit 'n heuningkoek kom kry, en versadig word met heuning uit 'n rots, di Rots, Jesus Christus.
Ons wil jou uitnooi om rustig te kuier en weer en weer terug te kom.
 



Lees gerus enige van ons onlangse skryfsels in die tabel hieronder .....

25 November 2020
 

Ongelowige: Daar is geen God nie. Want ek glo net wat ek kan sien.
Gelowige: Kan jy kernbestraling sien? Kan jy hitte sien? En ultraviolet strale? Jy kan nie, ek ook nie, maar ek kan sien waar daardie dinge aan die werk is, en ook waar Hy aan die werk is. Ek kan die skepping sien, en ek sien Hom in mense se lewens.
Ongelowige: Ek sal glo as Hy Homself aan my openbaar.
Gelowige: Hy openbaar Homself elke dag aan jou, selfs net as Hy gratis suurstof aan jou verskaf. Jy kies om dit nie te sien nie.
Ongelowige: Die Bybel is die versinsels van mense.
Gelowige: Die Bybel is deur meer as 40 mense geskryf, in drie tale, op drie kontinente, oor meer as 1600 jaar, die meeste skrywers het mekaar nie geken nie en het selfs nie in dieselfde tydperk geleef nie. Tog is die sentrale tema van God se liefde en Jesus se verlossingswerk regdeur die Bybel duidelik.
Ongelowige: Die Bybel is nie meer van toepassing en relevant vandag nie.
Gelowige: Die Bybel is steeds die beste verkoper van enige boeke op aarde. Voorts put MENIGE mense dag vir dag nuwe krag uit die Bybel, gewoonlik op 'n manier wat lyk of die Bybel vandag geskryf is. Het jy dit al gelees?
Ongelowige: Hoekom sal die Bybel meer gewig dra as die Koran?
Gelowige: Die Bybel is geskryf oor baie jare deur baie mense, en in die jaar 397 saamgestel (apokriewe boeke uitgelaat). Inhoud, volgorde en alles. Die Koran is deur een mens (Muhammed) geskryf tussen die jaar 610 - 632 (200 jaar later), met HORDES van die Bybelse persone en insidente daarin opgeteken, insluitende Jesus Christus. Dis dus duidelik dat Mohammed toegang gehad het tot die Bybel. Daarin word Jesus se Godheid egter verwerp. Ek glo die ouer, outentieke geskrifte dra baie meer gewig.
Ongelowige: Ek het nie die Here nodig nie, ek leef net so goed soos jy.
Gelowige: Dis korrek, jy kan sonder Hom leef, maar jy wil nie sonder Hom sterf nie.
Ongelowige: Ek glo nie in die hemel of die hel nie, ook nie in God nie.
Gelowige: Goddank, God se bestaan hang nie af van jou geloof in Hom nie. Hy bestaan ten spyte van jou ongeloof, so ook die Hemel en die hel.
Ongelowige: Hy is 'n wrede God wat die mens aan homself oorlaat.
Gelowige: Vreemd dat jy dit s. Miljoene mense oor die hele wreld getuig dat God hulle deur die mees traumatiese tye gedra het, toe daar geen hoop was nie en geen lig in die tonnel nie. So ook gestremdes wat met uiterste swaarkry deur die lewe gaan. Soveel mense het God se werking op bonatuurlike wyses gesien, en getuig van sy liefde.
Ongelowige: Daar is geen skepper of ontwerper nodig nie, alles het toevallig na die "big bang" ontstaan.
Gelowige: As die son slegs 10% verder of nader aan die aarde was, sou geen lewe kon bestaan nie. As die maan slegs 10% nader was, sou reuse getygolwe ons kuslyne totaal verwoes het. As dit 10% verder was, sou getye nie die see konstant kon skoon was nie en sou geen seelewe bestaan nie. Die see is die grootste bron van voedsel vir die mens. So is daar honderde duisende voorwaardes vir lewe in die skepping, met bykans geen toleransie vir afwyking nie. Klink nogal na die werk van 'n Ontwerper. Kan die mens 'n horlosie maak? Of 'n super slim rekenaar? 'n Motor, vliegtuig, 'n ruimteskip of 'n kunsmatige hartklep? Inderdaad. Kan 'n mens 'n klip maak? Net 'n eenvoudige klip? Inderdaad nie. Maar hy kan dalk met bestaande grondstowwe iets probeer aanmekaarsit. Steeds net as Hy God se grondstowwe gebruik. Die mens kan net mooi niks uit niks skep nie. Die Here kon, en het.
Ongelowige: Die mens het uit iets aapagtig gevolueer.
Gelowige: (Tong in die kies), jou pa mag miskien 'n aap wees, maar my pa beslis nie. Daar is steeds nog nooit enige bewys dat evolusie op makrovlak, oor spesies plaasgevind het nie. Nogal snaaks dat die bobbejaan steeds gelukkig is om nie te praat nie, of op sy agterpote begin loop het nie. Die mens sal nogal graag wil evolueer tot die vermo om te kan vlieg, of hoe? Ek sou.
Ongelowige: Ek glo eerder hoogs geleerde mense soos Richard Dawkins wat The God Delusion geskryf het. Hy het met baie navorsing tot die slotsom gekom dat daar geen God is nie.
Gelowige: Regtig? Hy het jare terug 'n aksie in Londen geloods deur die volgende boodskap op busse te laat pryk. 'There's probably no God... now stop worrying and enjoy your life'.
Mmm hoekom op aarde die woord "probably"? Probably? Regtig? Lyk my hy twyfel in sy eie ongeloof.
Ongelowige: Jy sal my nooit oortuig nie.
Gelowige: Ek weet dit vir seker. Net God kan, en Hy gaan dalk nog. Let net op dat ek nie een enkele teksvers gebruik het in die gesprek nie. Dit lyk my die bestaan van God en die waarheid van die Bybel is "common sense". ~ Willem Botha

 

Klik hier vir nog Heuningdruppels >>


24 November 2020
 

Nou ja, oor presies n maand is dit Ou Kersaand. Dan gaan ons feesvier. Baie van ons gaan saam met ons families kuier, ons gaan eet, ons gaan geskenke uitdeel, ons gaan opgewonde harte h en ons gaan terugdink aan daardie aand in die oop veld toe die engel ges het: Ek het baie goeie nuus  vir julle; nuus waaroor julle nog baie lank gaan feesvier. Hierdie goeie nuus is vir almal bedoel: vandag is die Redder in die stad van Dawid gebore; vir almal van julle. Dit is Hy wat julle van julle sondes sal vrymaak. (Luk. 2:10-11, Die Boodskap) Ons gaan terugdink hoe die menigte engele gesing het: Eer aan God in die hoogste hemel en vrede op aarde vir die mense in wie Hy n welbehae het. (Luk. 2:14). Ek hoop jy sal saam sing want die verlossing en vrede is vir j. Ek hoop jy sal saam sing want die vergifnis en redding is vir j. Ek hoop jy sal saam sing omdat di goeie nuus al die slegte nuus en trane en bekommernis en eensaamheid van 2020 sal oorskadu. Ek hoop jy sal kan saam sing: al was ek nie daar nie, ek weet dit is waar. Ek hoop jy sal kan saam sing: joy to the world, the Lord has come! ~ Wilna Botha

 

Klik hier vir nog Heuningdruppels >>


Wie is God  vir jou?

Oor die afgelope 7 maande het ek n stuk of 45 kort stukkies geskryf oor wie God is, oor verskillende name wat Hy genoem word in die Bybel. As ek terugkyk weet ek dis maar n druppel in die oseaan en as mens iets moet skryf oor elke karaktereienskap van die Here, sal jy langer as vir ewig daarmee besig wees en sal die wreld nie genoeg plek h vir die boeke nie (soos wat Joh. 21:25 s) In hedendaagse terme sal mens seker kan s dat die wreldwye web nie alles sal kan huisves nie en dat Google nie alles sal kan deursoek nie! Kortom: ons God is groter as wat woorde en name Hom kan omskryf, wie Hy s is veel meer as wat ons gedagtes kan akkommodeer. Dit was egter vir my n  leersame en verrykende pad wat begin het by Eks 3:13 ... 
 lees verder >>


Julle moet mekaar ...
 

Ek het die afgelope tyd n paar gedagtes gedeel oor n klompie van die julle moet mekaar-tekste in die Bybel. Julle moet mekaar aanvaar, mekaar vergewe en mekaar liefh; julle moet gasvry wees teenoor mekaar en mekaar dien; julle moet geduldig wees met mekaar, mekaar verdra en in vrede lewe met mekaar; julle moet mekaar help, mekaar se laste dra, mekaar troos en moed inpraat; julle moet mekaar leer en onderrig en lofliedere saam sing ...
 

As jy wil, kan jy hier klik om hulle weer te lees >>


Jesus het hulle innig jammer gekry

Ek het vir die afgelope agt keer wat dit my beurt was om ietsie te skryf bietjie stilgestaan by di uitdrukking: "Jesus het hulle innig jammer gekry", wat mens 'n hele paar keer in die evangelies raaklees. Dis 'n uitdrukking wat my so aangegryp het en net vir my onderstreep het dat die Here n barmhartige God is. Net soos Jesus dit nie kon help om mense wat honger, siek en hartseer, verlore en blind, vuil en verwerp is, jammer te kry en diep meegevoel met hulle te h nie, net so weet ek dat Hy dit vandag vir my persoonlik ook sal doen. Sy arm is nooit te kort om te help nie, Sy genade is elke dag vars, Sy oor is nooit te doof om te luister nie, Sy hulp en uitkoms  is nooit vr nie, Sy liefde is onbegrens, oneindig en onverstaanbaar groot. Genadig en barmhartig is die Here, lankmoedig en vol liefde kyk maar bietjie hoeveel keer hierdie frase in die Bybel voorkom, dan besef mens Sy hart word gou sag! Die Here gee graag goeie dinge aan ons. Sy hart word gou sag. Hy is geduldig en het sy kinders baie lief. Vir almal is die Here goed. Hy gee om vir alles wat Hy gemaak het ... Die Here sorg vir almal wat seerkry, Hy tel elkeen op wat swaarkry. Almal vestig hulle hoop op U. U versorg elkeen op die regte tyd. Omdat U goed is, gee U maklik goeie dinge aan ons. U gee meer as genoeg van u goedheid aan almal op aarde. (Ps. 145:9-16, Die Boodskap) ~ Wilna Botha
 

Ek het al die stukkies hier bymekaargesit klik hier indien jy dit dalk weer wil lees >>


Bring die hoop weer terug

Ek het die afgelope tydjie bietjie gelees en gedink en geskryf oor hoop. Ek het tekste opgesoek wat oor hoop gaan. Ek het gewilde aanhalings oor hoop opgesoek. Hier is so 10 gedagtes wat ek neergeskryf het. Lees hier meer >>
 


Wonderwerke van Jesus uit Johannes
 

Ek het oor die afgelope paar weke bietjie gelees en gedink oor die wonderwerke van Jesus en veral di wat in Johannes opgeskryf is. Aan die einde van die boek s Johannes dat daar nog baie dinge is wat Jesus gedoen het wat nie opgeskryf is nie. Maar as dit een vir een beskrywe moet word, dink ek, sou die hele wreld nie genoeg plek vir die boeke h nie. (Joh. 21:25) Johannes-hulle het definitief bie wonderwerke gesien.  Ek dink nie dit geld net vir Johannes se tyd nie, ek glo dit is n ook so, ons moet net met oop geesteso deur ons alledaagse lewe gaan om raak te sien waar die Here beweeg en wonder na wonder laat gebeur. Die rede dat die wonderwerke vir ons in die Bybel opgeskryf is, is sodat ons in Jesus moet glo:  Maar hierdie wondertekens is beskrywe sodat julle kan glo dat Jesus die Christus is, die Seun van God en sodat julle deur te glo, in sy Naam die lewe kan h. (Joh. 20:30-31) Kyk hoe dit gebeur het met mense wat Jesus se wonderwerke beleef het: Joh. 2:11 toe die dissipels sien hoe Jesus water in wyn verander, het hulle tot geloof in Hom gekom. Joh. 4:53 toe die regeringsamptenaar se seun genees is, het hy en sy hele huisgesin tot geloof in Jesus gekom. Joh. 6:14 toe die mense sien hoe Jesus die vis en brood vermeerder het, het hulle bely: Hy is werklik die Profeet, die Een wat na die wreld toe moes kom. Joh. 11:45 toe Lasarus uit die dood opgewek is, het baie Jode wat dit gesien het, tot geloof in Jesus gekom. Joh. 21:7 toe die dissipels die ongelooflike klomp vis vang, kon Johannes nie anders as om uit te roep: Dit is die Here! nie. Laat ons ook nie nalaat om die Here se wonderwerkende hand in ons lewens te sien en sodoende te groei in ons geloof nie. Laat ons ook nie nalaat om erkenning aan die Here te gee en te getuig oor Sy werke in ons lewe nie.

Terwyl ek deur die wonderwerke gelees het, het ek n stuk of 20 gedagtes daaroor neergeskryf.

Lees gerus hier meer daaroor >>


Jesaja se Goud - klik hier >>
 

Die afgelope jaar het ek so stukkie vir stukkie deur Jesaja gelees.  Ek het maar heelwat goed in Jesaja gevind wat ek nie verstaan nie, en wat ek nie altyd weet wat pas waar in nie, en soms sukkel ek maar om sin te maak uit al die profesie en die oordeeluitsprake maar rens tussen dit alles, in elke hoofstuk, op elke  bladsy  van die boek, het ek die wonderlikste goud uitgedelf - beloftes, bemoediging, versekering, aanmoediging, tekste om te onderstreep en in my hart te bre. Dwarsdeur die boek het ek die goue draad van God se genade, vergifnis en versorging gesien, die goeie nuus gesien dat God mense optel en vernuwe en hoop gee. Ek het in di tyd n stuk of 85 kort boodskappies uit Jesaja geskryf wat ek hier gedeel het. Ek het hulle nou almal bymekaargesit as jy dalk weer daardeur wou lees. Ek noem dit Jesaja se goud en hoop jy sal ook iets in di goudpot vind wat jou geloof kan versterk en jou verhouding met die Here kan laat groei.

Lees gerus meer hier >>


My 18 G's vir 2018 - klik hier >>

Op die eerste Maandag van hierdie jaar het ons almal vir mekaar allerhande mooi seninge toegewens vir die nuwe jaar. Ek het ook n klomp wonderlike woorde ontvang van oraloor. Op die tweede Maandag het ek verjaar en toe is dit wr n stroom seninge en gebede wat oor my uitgespreek word. Dit het my opgeval dat n klomp van di woorde met n G begin, soos bv. gesend, gesond, gelukkig, genade, groots, goedheid, guns, genot, Geesvervuld, ens.! Toe besluit ek net daar en dan dat 2018 n G jaar gaan wees en skryf toe so 18 Gs neer vir my jaar! As mens G s, dan s jy gee.  Om te gee, moet dan seker my eerste G vir die jaar wees ... lees verder >>

 


Kort dagstukkies uit Psalms - klik hier >>


Kort dagstukkies oor die 10 Bybelverse wat die meeste opgesoek word - klik hier >>


Kort dagstukkies uit Spreuke - klik hier >>


Kort dagstukkies uit Fillipense - klik hier >>


Kort dagstukkies uit 1 Johannes - klik hier >>


Kort dagstukkies uit Jona - klik hier >>



Facebook Groep
Sluit gerus aan by ons groep waar ons elke dag heuningdruppels oplaai, en waar jy welkom is om saam te gesels. Klik hier >>


Duplisering en verspreiding word toegelaat sonder veranderinge en met verwysing na die outeur (Willem Botha) en webruimte (www.heuning.co.za)


 


Aantal besoekers