Klik om kamp foto's te sien >>


 


Christo du Plooy

Met ‘n GROOT BRUL van ‘n LEEU begin die kamp, bekendes en onbekendes word gou soos een groot familie saamgetrek… Almal word hartlike verwelkom… en almal voel tuis! 

Die ‘’Ysbreker-sessie’’ was weereens ‘n saambindingsfaktor – elke individu en elke groep het spontaan aan die aktiwiteit deelgeneem en die insette was puik aangebied… 

Wat kan ‘n mens van die tema van die kamp sê…. Die ‘’Moed van ‘n Leeu’’ word uitgelig, hoe ‘n mens dit in sy eie lewe sien à geestelik of in die fisiese lewe… Die leeumoed word bevestig deur die krag wat elke mens in hom/haarself het. Die geestelike sessies het hierdiè krag weereens uitgewys as die moed wat jy in Jesus het. 

Die ‘’Leeu-verf’’ het weereens bewys watter talente in party van ons ‘’versteek’’ is…  Daar was ‘n paar uitstekende afbeeldings van die LEEU. 

Die middag word daar gespeel en selfs ‘’gecrook’’, alles in die genot van die aktiwitiete. Almal speel en almal lag… want daar was ‘n goeie gees. 

Die ‘’konsert’’ het stadig begin, maar het later bewys – ongeag van jou gebrekke – was dit lekker om te kyk hoe die deelnemers die items aangebied het.

Die ‘’persoonlikheid van ‘n Leeu’’ was in groepverband aangebied en persone in die Bybel word uitgelig as ‘’watter Leeu, is hulle in persoonlikheidsverband?’’ asook jou eie persoonlikheid. 

Die fisiese versorging van die kamp was weereens uitstekend! Die voedel was uit die boonste rakke, ons kan net almal wat betrokke was, uit ons harte bedank – Van die bestuur tot elkeen wat die kamp moontlik gemaak het… 

Soos altyd, kom almal met ‘n verwagting en soms met ‘n bietjie  twyfel in jou gemoed, maar jy neem afskeid met ‘n vol gemoed. 

Weereens baie dankie vir almal wat daar was, en diè wat die kamp aangebied het…

 

Reniece & Corinne
 

God se spesiale mensies

“Ek is tot alles in staat deur Hom wat my krag gee”.

Met die teks vers wat maar vlak lê in my gemoed val ons in die pad Deo Volente Bush Camp toe, met Riekie en Ouma Rina as ons passasiers. Om saam met soveel spesiale mensies die naweek te kon deel, was vir ons net ʼn eer en ʼn voorreg.

Ons tema, “Die moed van ʼn leeu” het my deurentyd laat dink aan hoe bevoorreg ek en Corinne eintlik is. Ons is geneig om soms so maklik te wil tou opgooi met die kleinste klippie in die skoen. Hierdie “spesiale mensies”, met wie ons die naweek kon deel het egter genoeg rede om te kla. Die tema, “Die moed van ʼn leeu” het my laat wonder of dit nie eerder my fondasies moes ruk nie, in plaas van hulle sin. Ek het, as ʼn bevoorregte mens, weer besef dat ek nog soveel skatte uit God se skatkis moet ontdek.

Willem en Wilna het as gasheer en gasvrou ons waarlik op die hande gedra. Die programme wat aangebied is, het ons laat besef ons is almal maar net dieselfde in ons Skepper se oë. Deur al die gelag, tot die trane loop, die lofprysing, spelletjies en geselsies deur kon ek waarlik God se teenwoordigheid elke oomblik ervaar.

Die erediens, wat deur Ian gelei is, was waarlik die spreekwoordelike “cherry op die koek”. Van Robbie Wessels se “Leeuloop”, met Christo natuurlik voor in die koor, tot die “Leeu van Juda” kon ek nie help om skelmpies ʼn traan of twee weg te vee nie. Christo se “Friendship” liedjie het waarlik ons hartsnare geroer.

Dit was met ʼn knop in die keel dat ek weer vir Riekie en Ouma by die huis moes aflaai. Ons het maar net saam gegaan as ʼn hulp vir die mensies, en het terug gekom as ʼn veel ryker mense.

Julle sien my en Corinne beslis volgende jaar weer.

Jesus liefde

Reniece en Corinne.


Brentia (dogter van Frank & Adele)

Ek wil net vir julle albei en al die helpers en borge en sommer net almal wat betrokke is sê -julle is engele om soveel van julself te gee en op te offer vir ons mense. Dit doen ons almal se harte sooo goed om net daai omgee en aanvaarding te beleef ons voel sommer weer herlaai vir die stryd. Daar is nie eintlik woorde om groot genoeg te beskryf hoe ons dit waardeer nie maar ek wil net weereens sê baie, baie dankie vir alles julle almal.



Martin & Essie

More  Wilna & span van die kamp. 

Ons is saam met Ronald gery van CAPPRA. 

Ons moes 8 uur daar weer op Deo Valento om te begin kamp. 

Daar aan gekom ,is ons gegroet vir almal wat ons ken en te het

Ons ontbyt geeet 

Daar na het ons die sessie begin oor die Leeu.

Het jy die brul van 'n leeu of gepiep van 'n muis. 

En is groepe gesit met papiertjies wat diere se naam op was.Ek was 'n Skaap en Martin 'n leeu. 

Die middag gespeel. En gesels . 

Die aand gesing ,en toe konsert gehou.. 

Sondag vroeg op gestaan en die sonop koms gekyk dit was  pragtig gewees. 

Ontbyt geeet. 

En het  oor 4 persoonlike  mense gesels 

Weer in groepe gesit en gekyk watter persoonlikheidheid het elkeen. 

En gekyk watter bybel persoon het  van daai 4 persoonlikheid gehad. 

Ons het 13 uur af gesluit met terug voering en foto's geneem van almal

14 uur het ons terug gery huis toe. 

Dankie vir almal wat dit moontlike gemaak het om te kan kamp. 

Groete. 

Essie ,Martin Welman.          


Rudolf Stydom

Hello vriende  

Met die afgelope kamp vir gestremdis te Deo Valte net voor Kwamasago het ek maar net weer besef hoe bevooreg ons mag wees dat daar mense is wat sulke dinge doen sodat die persoon wat miskien in ‘n te huis of versorging pelk is bietjie kan uit kom in die natuur weg van die alledagse. Die Saterdag het ons allam geariveer waarna ‘n ken mekaar en verwelkoming aangebied is en daar na praatjies oor die moed van ‘n leeu aangebied is wat ook die kamp tema was Eet goed was daar oorgenoeg waaraan almal van ons ons self kon help so 37 helpers in gesluit Die Sondag ogend het is die program afgeskop met koffie en beskuit en ontbyd van graankos tot roereier. Daar is toe praatjie gehou oor persoonlikheid tiepes en vergelykings is gemaak na persone in die bybel met daardie tipe persoonlikheid Die preek was baie intresant wat met die leewloop liedtjie afgeskop is en die manier waarop elkeen van ons in die daaglikse lewe die loop aanpak Daar is terug voer gegee oor die ervaring van elkeen wat die kamp meegemaak het waarna daar goepfoto’s en induvedeele foto’s geneem is en toe is gegroet en huiswaarts gekeer ‘n Geseende feesgety word almal toegebid 

Groete
Rudolf


Christo het die volgende vir die kamp geskryf:

 Die kamptema ‘’ Moed van ‘n Leeu...’’ bring ons by die gedagte… ‘’Hoe kan ons, in ons lewe, die leeumoed hê? Want volgens die Bybel, is die wêreld deesdae deurmekaar… Hoe kan ons seker wees van ons ‘’uitleef van ons gevoelens? Die wêreld plaas alles ‘’onder die vergrootglas. Alles word deur raamwerke bepaal…As ons dieper  na die wêreldbeskouinge  kyk, kom ons agter dat hulle (die wêreld) alles  met die formules wil  uitwerk.  ‘’Jy moet dit so doen en so doen, want dit is die wêreldnorm…  

 Selfs die Bybel word deesdae bevraagteken… ‘’Kan alles in die Bybel waar wees?’’’ Gelukkig word die Bybel  nie weerspreek nie.  Elke keer word die Bybel as WAAR bewys deur al die wetenskaplike formules wat die mensdom self uitgewerk het... 

 En nou… Waar staan jy en ek nou? Kan ons die geloofsoortuig hê om ons eie ‘’menswees’’ te wees? Ja, ek wat nie kan praat nie! En Jy wat nie kan kan loop nie… ja… Jy wat nie kan sien of hoor nie… Wat is jou ‘’Leeumoed’’wat jy na buite uitleef?   

 Ek hou van die gesegde wat sê… ‘’Disability is not about your physically condition, but it is your attitude towards life…” 

 Ons lees in die Bybel van Rigters wat in hulle eie oë, te swak  was of nie die korrekte persone was nie,  vir die taak wat God aan hulle toevertrou het, om nie te voldoen nie. Elke keer het God die uitkoms gegee… 

 Wat het die Here vir jou gegee, ongegag jou gebrek of nie... Watter talente het jy? As jy, jou lewe as ‘n talent beskou… hoeveel waarde het jy bygevoeg? Hoe gaan die ‘’balansstaat’’ lyk? Watter verskonings gaan jy aan die Liewe Vader gee? Om gestremd te wees, behoort nie die ‘’issue’’ te wees nie, maar hoeveel goue oomblikke in jou lewe was… (om iemand te verryk…) Dus, hoe jy jou talente bestuur sal jou lewe verhoog of verlaag… 

 Die lese behoort te wees… ‘’Give all a smile and live yours life with the positive attitude which Lord has given you…’’ 

 Dankie dat julle geluister het… en leef julle lewens met diè van ‘n ‘’Moed van ‘n Leeu...’’ uit? 

 Shalom…. Christo en Hester…



Hester se seëngroet vir almal: 

Mag jy vervuld wees, tevrede, in goeie gesondheid, vredevol, goed versorg, veilig, helder van denke, rustig,welvarend,volmaak, in harmonie en in die afwesigheid  van kwaadstokery en onenigheid. Hierdie is 'n besonder kragtige metode van groet want: 

"Die tong het mag oor dood en lewe" [Spreuke 18:21]




|Terug na Heuning Hoofblad|