|
Om die winterkoue bietjie te verdryf en
ons harte warm te maak, het ons Saterdag 27 Junie 2015 'n
mini-kamp gehou by Huis Phyllis Robertson. Saam met sowat 70
mense het ons 'n geseënde, "Warm Harte"- dag beleef waar ou
vriende weer ontmoet en saamgekuier het, waar nuwe vriende
gemaak is, waar speletjies en pret aan die orde van die dag
was. Musical chairs, noot vir noot, heerlike skattejag,
braailvleis, koeksisters, hot chocolate en marshmallows ...
om maar 'n paar van die lekkertes van die dag te noem. Ons
het ook Warm Harte ontvang rondom die Woord, met lofprysing
en die deel van nagmaalbrood en - wyn. Sondagoggend was ons
weer terug om saam met die Tehilla-sangers die Here se naam
groot te maak met Woord en lied en 'n middagete te geniet
saam met die inwoners van Huis Phyllis Robertson.
|
