Hoe
gaan jy met die lewe om? As jy nou in een of ander verhouding is met
hierdie ding wat ons “lewe” noem, hoe sou jy dit beskryf? Kom ons
vergelyk dit met 'n huwelik:-
-
Sou jy sę dat jy en Mnr/Mev Lewe na talle jare steeds op
wittebrood is?
-
Dalk is die wittebrood verby, daar is soms 'n bietjie kopstamp,
maar dinge gaan oorwegend goed?
-
Voel jy dalk dat jy en Lewe nie veel vir mekaar te sę het nie?
-
Irriteer Lewe die wit waks uit jou uit?
-
Is
jy en lewe van bed en tafel geskei?
-
Kan jy dalk nie wag om finaal van Lewe te skei nie?
-
Is
julle dalk reeds geskei?
-
Of
het julle dalk nog nooit getrou nie?
So gaan ons almal maar op een of ander manier met die
lewe om. Soms goed, soms sleg, dalk so bietjie op en af. Is die lewe
dalk vir jou een groot pyn?
Pred. 2:17 – 26
Ek het die lewe gehaat, want alles wat in hierdie
węreld gebeur het, het vir my sleg afgeloop. Alles kom tot niks, dit
is 'n gejaag na wind. Ek het alles gehaat waarmee ek my in hierdie
węreld met soveel sorg besig gehou het, want ek moet dit nalaat aan
dié een wat ná my kom, en wie weet of hy 'n wyse of 'n dwase mens
sal wees? Tog sal hy beskik oor alles wat ek met sorg en oorleg in
hierdie węreld bymekaargemaak het. Dit kom dus ook tot niks. Ek het
in vertwyfeling geraak oor alles waarmee ek my met soveel sorg in
hierdie węreld besig gehou het. 'n Mens wat met wysheid en kennis
gewerk en sukses behaal het, laat sy besittings na aan een wat glad
nie daarvoor gewerk het nie. Dit is nie reg nie. Ook dit kom dus tot
niks. Wat het die mens nou eintlik aan alles waarmee hy hom met
soveel sorg en ywer in hierdie węreld besig hou? Elke dag bring vir
hom pyn en elke onderneming ergernis; selfs snags kom hy nie tot rus
nie. Ook dit kom tot niks. Dit is nie aan die mens self te danke dat
hy kan eet en drink en onder al sy arbeid nog die goeie kan geniet
nie. Ek het ingesien dat dit 'n gawe uit die hand van God is. Wie
kan eet, wie kan geniet as Hy dit nie moontlik maak nie? Vir die
mens met wie se lewe God tevrede is, gee Hy wysheid, kennis en
blydskap. Maar die een met wie Hy nie tevrede is nie, kry die taak
om op te gaar en bymekaar te maak en dit dan te gee aan een met wie
God tevrede is. Ook hier kom dit dus tot niks. Dit is 'n gejaag na
wind.
Prediker aan die woord, en hy skep maar 'n
mistroostige prentjie. Dis asof Prediker 'n erge teleurstelling
ondervind met sy verhouding met Lewe, en hy sien nie meer veel sin
in alles nie. So ken ek en jy vele mense wat hierdie verhouding
opgee vir 'n “bad job”. Hoe voel jy vandag oor die lewe? Hoe gesond
is “lewe” vir jou?
Kom ons skep 'n denkbeeldige meter, soos 'n barometer
wat regop staan met 'n skaal van een tot tien. Nul, wat onder is
verteenwoordig uiters vrot en tien (wat bo is), is uitstekend. 'n
Lewe wat regtig klopdisselboom loop. Waar lę die meter vir jou? Is
dit by 'n twee of drie, wat maar vrotterig is? Dalk 'n 5, so net-net
okay? Of dalk konstant bo 7... dan is die lewe heel lekker vir jou.
Vers 17 “Ek het die lewe gehaat, want alles wat in
hierdie węreld gebeur het, het vir my sleg afgeloop”. Prediker
se skaal lyk of hy so min of meer op 'n twee gelę het, hoewel hy
hier by vers 25 toegee dat daar darem iets goeds in die lewe kan
wees.
Ek het so by myself gesit en dink hoekom die lewe so
sleg is vir sommige mense en by 'n paar moontlike redes uitgekom:-
-
Mense kry seer in die lewe. Dis 'n feit, dinge gebeur, die mat
word soms onder 'n mens se voete uitgepluk en alles raak
miserabel. Slegte verhoudinge maak dit ook nog erger.
-
Traumatiese insidente. Die dood van 'n geliefde, ongeneeslike
siekte, gestremdheid, depressie, finansiële ineenstorting, om
maar net 'n paar te noem. Hierdie dinge gebeur, punt.
-
Soms is ons verwagtinge van die lewe verkeerd. Dalk kyk ons te
veel Top Billing, en fantaseer oor die rolmodelle wat die TV vir
ons opdis. Miskien loer ons te gereeld oorkant die draad na die
groen gras.
-
Dalk bly ons nie by met 'n veranderende węreld nie.
-
Party mense dink die lewe skuld hulle iets. Jy sien, daar is
mense wat glo 'n 10/10 lewe kom hulle toe, en as hulle dit nie
kan kry nie wil hulle tantrum daaroor.
-
Soms dink ons die Here skuld ons iets. Miskien glo ons te veel
wat hierdie roekelose ouens kwytraak wat reken dat dit met
Christene net altyd klopdisselboom sal gaan.
-
Miskien verwag ons iets wat ons nie toekom nie.
-
Sekerlik een van die grootste leuens van satan is dat die Here
Sy hand wegtrek van mense wat nie volmaak lewe nie.
-
Dan 'n moeilike een: party mense doen absoluut niks om hulle
lewens sinvol te maak nie. Hulle gaan in “passive mode” en wag
dat ander mense hulle lewenskwaliteit vir hulle moet kom
verbeter.
“Ek het die lewe gehaat...” sę Preker, voel jy ook
so?
Bo 5 uit 10, of onder 5 uit 10? Waarmee is jy tevrede?
Jy sien, ons laat toe dat omstandighede ons lewens definieer. Ons
laat toe dat dinge wat net 5% van ons lewens moet beďnvloed, 100%
van ons lewens oorheers. Ons definisie van lewe is dalk verkeerd.
Boonop kyk ons te veel in hierdie tydelike lewe vas.
Waar pas die Here in hierdie prentjie in? Dink jy Hy
is moedswillig as alles nie altyd net 100% gaan nie? Of dink jy dit
is Bybels dat alles net goed sal gaan met Christene? As jy so dink
moet jy maar vir jou 'n ander Bybel kry. Die Here sę baie meer dat
hy jou IN moeilike tye sal beskerm , as dat Hy sę Hy jou TEEN
moeilike tye sal beskerm. Swaarkry is normaal, maar mense wat aan
die Here vashou hanteer dit meesal beter. Waaraan sal mens vashou as
die Here nie in jou lewe is nie?
Christene en nie-Christene se
lewens-gesondheids-meters lyk maar dieselfde, maar kinders van die
Here het 'n voordeel. Voorts sien ons mos na meer uit as net hierdie
lewe, of hoe? 1 Kor 15:19 “As ons net vir
hierdie lewe ons hoop op Christus vestig, is ons die
bejammerenswaardigste van alle mense”.
Paulus reken dus dat jy bietjie verder moet kyk as
die hier en nou.
Daar is baie dinge wat ek en jy kan doen om die
naaldjie van die meter bietjie te laat klim. Gaan jy dit doen of
gaan jy maar altyd tevrede wees met 'n vrot lewe? Kom nou, vat die
uitdaging en verander van vandag af jou lewensuitkyk. Hier is
bietjie raad:-
·
Hou op om te tob oor gister, of oor
verspeelde kanse
·
Hou op om mense te haat. Gaan maak so
gou moontlik reg.
·
Probeer om ander te laat glimlag, dis
aansteeklik
·
Vergeet van wat ander van jou dink.
Veral as hulle maerder of mooier as jy is.
·
Hou op om te glo dat die lewe regverdig
is, want dit is nie.
·
Moenie saam met ander skinder nie, en
vermy negatiewe geselskap.
·
Geniet soms 'n bietjie lekker kos,
sonder om skuldig te voel.
·
Glimlag en lag bewustelik... sommer uit
jou maag uit.
·
Hou op om te glo dat slegte situasies
vir altyd gaan aanhou, want dit gaan nie.
·
Droom oor iets en fantaseer selfs
daaroor. Al dink jy dit is onrealisties.
·
Kry vir jou 'n stokperdjie, selfs al is
dit net iets eenvoudigs.
·
Lees bietjie op oor interessante dinge.
·
Klets lekker en lank met die Here.
·
Moenie net bid oor swaar en donker
dinge nie, sę sommer dankie vir klein goedjies.
·
Stap gereeld 'n entjie, en doen “prayer
walking”. Bid vir elke huis waar jy verbystap.
·
Bestudeer iets spesifieks uit die Bybel
uit. Soek tekste en deel jou nuutgevonde kennis met ander.
·
Raak sommer laf en dans soos Dawid voor
die Here.
·
Sę onverwags vir iemand dat jy hulle
liefhet met Jesus-liefde.
·
Skryf 'n mooi brief of gediggie vir die
Here en sommer vir iemand anders ook.
·
Tel vir een week elke dag jou seëninge.
Laat dit 'n gewoonte raak.
Vriend, hou op om gelukkig te wees met 'n vrot lewe.
Verander waar jy kan en aanvaar wat jy nie kan verander nie.
|