Ek hoor onlangs
‘n preek oor die vyf balle wat ons daagliks in ons lewe in die lug probeer
hou. Soos wanneer ‘n “juggler” die balle tussen die hande gooi en sorg dat
nie een val nie. Hierdie vyf balle is :-
·
Werk
·
Gesin / Huwelik
·
Vriende
·
Geloof
·
Gesondheid
Almal van ons
probeer al vyf die balle in die lug hou. Die werkbal is ‘n rubberbal, want
hoe hard hy ook al op die grond val, hy kom maar net weer terug na jou
toe. So asof hy hom opdring aan jou, en al vier die ander die knie voor
hom moet buig. Die ander vier is glasballe, soos die tipe wat aan ‘n
kersboom gehang word. As hy val breek hy. En met baie hantering kraak hy.
In Engels kan die woord “vulnerable” nogal daaraan gekoppel word.
Die bal wat die swaarste kry onder
hierdie aanslag van die werk bal, is die huwelik. Stasitiek is
skrikwekkend, en die grootste slagoffers is die kinders.
LW: HIERDIE
STUKKIE IS GEENSINS VEROORDELEND TEENOOR GESKEIDES NIE
In the statistics for 2006, marriages lasted for less than
15 years in 67,8 percent of all divorce1 cases.
Statistiek van Stassa
Skokkend!
Hoekom gebeur dit? Waarom begin ‘n
huwelik, en waarom eindig dit? Wat maak dat iets wat so idilies begin, so
tragies eindig?
Ek wil graag die huwelik vergelyk
met een van hierdie swart driepoot potte, en die drie pote vergelyk met:-
·
Liefde
·
Kameraadskap
·
Intimiteit
Eerstens ‘n
vraag waarmee daar deesdae geworstel word. Is die huwelik deur God
ingestel?
Gen 2 : 88
Verder het die
Here God gesê: "Dit is nie goed dat die mens alleen is nie. Ek sal vir hom
iemand maak wat hom kan help, sy gelyke."
Gen2 : 23 – 24
Toe sê die
mens: "Hierdie keer is dit een uit myself, een soos ek. Daarom sal sy
'vrou' genoem word; sy is uit die man geneem. Daarom sal 'n man sy vader
en moeder verlaat en saam met sy vrou lewe, en hulle sal een word.
Dit lyk tog vir
my of God ‘n bedoeling gehad het van een man wat met een vrou, in ‘n vaste
verhouding aan mekaar gebind word. “Till death do us part”.
Hoekom ‘n
huwelik?
·
Standvastigheid
·
Skep ‘n veilige hawe vir kinders
·
Sekuriteit vir albei partye
·
Steeds die mees aanvaarbare verwantskap in
vandag se samelewing
·
God se bedoeling vir hierdie verwantskap
Waar pas God / Godsdiens in?
Jou verhouding
met God is nie een van die pote van die potjie nie, maar eerder die hele
fondasie waarop hierdie drie pote rus. Of dalk die staaldop van hierdie
pot wat alles binne hou, en waar wonderlike verhoudinge prut wat net beter
en beter word.
Kinders van die
Here se huwelike is per definisie niks beter af nie. Die statistiek is
presies dieselfde as vir nie-gelowiges.
Poot no 1 – LIEFDE
Nou wys ek
julle wat nog die allerbeste is: Al praat ek die tale van mense en engele,
maar ek het geen liefde nie, het ek 'n stuk klinkende metaal, 'n galmende
simbaal geword. Al het ek die gawe van profesie en ken ek al die
geheimenisse en besit ek al die kennis, en al het ek al die geloof om
berge te versit, maar ek het geen liefde nie, dan is ek niks. Al deel ek
al wat ek het aan ander uit, en al gee ek my liggaam prys om my daarop te
kan beroem, maar ek het geen liefde nie, baat dit my niks. Die liefde is
geduldig, die liefde is vriendelik; dit is nie afgunstig
nie, is nie grootpraterig nie, is nie verwaand nie. Dit
handel nie onwelvoeglik nie, soek nie sy eie belang nie, is
nie liggeraak nie, hou nie boek van die kwaad nie. Dit
verbly hom nie oor onreg nie, maar verheug hom oor die waarheid.
Dit bedek alles, glo alles, hoop alles, verdra alles. Die liefde
vergaan nooit nie, maar die gawe van profesie sal verdwyn, die gawe om
ongewone tale en klanke te gebruik, sal ophou, en dié van kennis sal
uitgedien raak. Want ons ken maar gedeeltelik, en ons profeteer maar
gedeeltelik, maar wanneer die volledige kom, sal wat gedeeltelik is,
uitgedien wees. Toe ek 'n kind was, het ek gepraat soos 'n kind, gedink
soos 'n kind, geredeneer soos 'n kind. Maar noudat ek 'n man is, is ek
klaar met die dinge van 'n kind. Nou kyk ons nog in 'n dowwe spieël en
sien 'n raaiselagtige beeld, maar eendag sal ons alles sien soos dit
werklik is. Nou ken ek net gedeeltelik, maar eendag sal ek ten volle ken
soos God my ten volle ken. En nou: geloof, hoop en liefde bly, hierdie
drie. En die grootste hiervan is die liefde!
Gaan kyk bietjie na die dele wat hierbo in donker uitgelig is, en gaan pas
dit toe binne die huwelik.
Die liefde is
geduldig, die liefde is vriendelik; dit is nie afgunstig
nie, is nie grootpraterig nie, is nie verwaand nie. Dit
handel nie onwelvoeglik nie, soek nie sy eie belang nie, is
nie liggeraak nie, hou nie boek van die kwaad nie. Dit
verbly hom nie oor onreg nie, maar verheug hom oor die waarheid.
Dit bedek alles, glo alles, hoop alles, verdra alles. Die liefde
vergaan nooit nie
Maar noudat ek 'n man is, is ek klaar
met die dinge van 'n kind.
Kan jy sien hoe
toepaslik hierdie gedeelte in 1 Kor 13 op die liefde in die huwelik is?
Wat is liefde?
·
‘n Keuse
·
Onvoorwaardelike aanvaarding – soos van eerste
ontmoeting af
·
Totale oorgawe en toewyding
·
Stel ander persoon eerste
·
Deernis / genade / soos God Sy volk liefhet
·
Beskerming
·
Respek
Wat is dit nie?
·
Om huweliksmaat soos ‘n vloerlap te hanteer,
net omdat hy / sy aan jou verbind is
·
Man die hoof / maar nie Hitler nie
2 KORINTIËRS 11:2
Ek waak oor julle met 'n ywer wat van God kom, want julle is soos 'n
jongmeisie wat ek aan een man toegesê het as sy bruid en wat ek vlekkeloos
na hom toe wil bring. Die man is Christus.
Ef 5 : 21 - 33
Wees uit
eerbied vir Christus aan mekaar onderdanig. Vrouens, wees aan julle
mans onderdanig, net soos julle aan die Here onderdanig is. Die man is die
hoof van die vrou, soos Christus die hoof van die kerk is.
Christus is ook die Verlosser van die liggaam, sy kerk. Soos die kerk aan
Christus onderdanig is, moet die vrouens in alles aan hulle mans
onderdanig wees. Mans, julle moet julle vrouens liefhê soos Christus die
kerk liefgehad en sy lewe daarvoor afgelê het. Dit het Hy gedoen om die
kerk aan God te wy, nadat Hy dit met die water en die woord gereinig het,
sodat Hy die kerk in volle heerlikheid by Hom kan neem, sonder vlek of
rimpel of iets dergeliks, heilig en onberispelik. Die mans behoort hulle
vrouens so lief te hê soos hulle eie liggame. Wie sy vrou liefhet, het
homself lief, want niemand het nog ooit sy eie liggaam gehaat nie.
Inteendeel, hy voed en versorg dit, soos Christus met sy kerk doen
omdat dit sy liggaam is, waarvan ons lede is. Daar staan in die Skrif:
"Daarom sal 'n man sy vader en moeder verlaat en saam met sy vrou lewe, en
hulle twee sal een wees." Hierin lê daar 'n diep geheimenis opgesluit,
en ek pas dit toe op Christus en die kerk. Maar dit is ook op julle
van toepassing. Elkeen moet sy vrou so lief hê soos hy homself liefhet,
en 'n vrou moet aan haar man eerbied betoon.
Liefde, soos
Christus Sy kerk liefhet. Kan jy sien wat die voorwaarde is vir “hoof van
jou vrou”? “soos Christus Sy kerk liefhet".
Hierdie
onvoorwaardelike liefde is die belangrikste element van enige huwelik.
·
Jesus het ons lief, ten spyte van
ons onvolmaaktheid
·
So moet ons ook mekaar se
onvolmaaktheid verdra
Hoe gaan ek met
die liefde vir my huweliksmaat om?
·
Sê dit gereeld, in woorde, sms,
e-pos, briefie ens.
·
Wys dit voor ander / spesifiek
die kinders
Jy
reflekteer iets van die ander persoon.
Dus, jou vrou sien haarself in dit wat jy weerkaats. Soos ‘n spieël.
'n Spieël sê iets. Hy
reflekteer iets van iemand wat in hom kyk. Nou kom ek by my punt: Manlief,
as jy jou vrou se spieël is, wat sien sy? Ek het eendag hierdie beeld
gehoor en dit het 'n groot indruk op my gemaak: die man is die spieël
waarin 'n vrou haarself sien. Dus, dit wat jy as man van haar reflekteer,
dit is wat en wie sy glo sy is. Wat weerkaats jy van jou vrou, en hoe
beïnvloed dit haar selfbeeld? Jy sien, mens kry sulke gebuigde spieëls, so
bv laat 'n hol spieël jou lekker maer lyk … maar dit vertel nie die
waarheid nie. As jy as man iets anders weerkaats as wat jou vrou is, gaan
sy verander …. Negatief. Maar, as jy as spieël na haar kyk met
aanvaarding, gaan sy haarself aanvaar. Praat jy afbrekend, en kommunikeer
negatiewe goed, dan word sy iemand wat jy nie wil hê nie, en dan is dit
die spieël se skuld. Verdien elkeen van ons nie die reg om onsself te wees
nie? Jy sien, ek is laaankal nie meer die wulpse Adonis van vervloë jare
nie, maar as my spieël (my vrou) positief kommunikeer en reflekteer, glo
ek wragtie ek gaan nog in my nr 32 broekie pas! Dan is ek nie skaam oor
hoe ek lyk nie. Maar as sy die heeldag vir my vertel ek is 'n tenk, dan
blaas ek die aftog. Wat sien jou vrou van haarself as sy deur jou oë kyk?
Hooglied 6:4-12
4 "My
liefling, jy is so mooi soos Tirsa, so aantreklik soos Jerusalem, so
indrukwekkend soos 'n afdeling vaandeldraers.
5 Draai jou oë liewer weg van my af, hulle maak my onrustig. Jou hare is
soos 'n trop bokke wat teen die Gileadberge afkom.
6 Jou tande is so wit soos 'n trop ooie wat nou net skoon gewas is, elkeen
met 'n tweeling, nie een sonder 'n lam nie.
7 Die versiersels op jou voorkop is soos granaatpitte agter jou sluier.
8 "Daar is sestig koninginne, tagtig byvroue, jong vroue sonder tal,
9 maar sy, my duif, my volmaakte, is enig, die enigste dogter van haar ma,
haar ma se oogappel. Die jongmeisies kyk na haar; hulle praat met
bewondering oor haar, die koninginne en die byvroue sing haar lof.
10 "Wie is dit wat soos die daeraad verskyn, so pragtig soos die maan, so
helder soos die son, so indrukwekkend soos 'n afdeling vaandeldraers?
11 "Ek gaan af na die neuteboord toe, ek gaan kyk na die jong boompies by
die spruit, ek gaan kyk hoe die wingerde bot, hoe die granaatbome bloei.
12 Ek ken myself nie, dit is of sy my laat ry op die strydwa van die keur
van my volk."
Pragtig, of hoe? Wat
sien jou huweliksmaat deur jou oë?
Poot no 2 – KAMERAADSKAP
Wat is ‘n
kameraad / comrade?
·
‘n
Boesemvriend
·
Iemand
nader as enige iemand anders
·
Iemand met
wie jou jou diepste geheime deel
·
Mentor /
raadgewer
·
Jou held /
heldin
·
Iemand wie
jy maklik volg
·
Iemand met
wie jy oop en vertroulik kommunikeer
Wat gebeur as jou
huweliksmaat nie daardie rol vervul nie?
·
Gaan soek
daai kameraadskap by poppie by die werk
·
Begin meer
en meer in jou binneste opkrop
·
Keer in
jouself in
·
‘n Bom wat
wag om te ontplof
·
Kan nie
uiting gee aan spanning nie
Wat werk nie?
·
Ek ken ‘n
man wat geensins meer kon kommunikeer met vroulief nie. Poppie by die werk
vervul toe daardie rol, en man skei vir vroulief. Hy trou later met
poppie. Uiteinde? NIKS MEER OM VIR MEKAAR TE Sê NIE. Kom saans by die
huis, praat niks met poppie (nou nuwe vroulief) nie, en leef in
ongelukkigheid met mekaar.
·
In hierdie
verkeerde verhouding raak die tweetjies se bagasie op mekaar verlief.
·
Liefde
word met wellus verwar, want dit eindig gewoonlik in die bed.
Kameraadskap
·
Hou by die
erkende reëls – soos wat die Bybel voorskryf
·
Gaan
gereeld alleen uit, selfs sonder die kinders.
·
Beskerm
dit , want jy gaan dit UITERS nodig hê as die kinders eendag die huis
verlaat.
·
Doen
gereeld klein goedjies saam.
·
Kan jy
saam met jou vrou / man werk?
Poot no 3 – INTIMITEIT
‘n Baie kontroversiële
element waaroor niemand graag praat nie
Wat is intimiteit?
·
Natuurlik
die sg liefdesdaad / maar nie net dit nie
·
‘n Drukkie
in die verbyloop
·
Rug kielie
/ voete vryf / lekker bederf
·
“En hulle
sal een word” aldus Genesis
Wat is dit nie?
·
Brutale,
respeklose seksdaad nie. Soos soms op TV.
·
Bevrediging van slegs een persoon se behoeftes. Wees sensitief / ken jou
huweliksmaat se befoeftes.
Waar hoort dit / hoe?
·
Net binne
die huwelik
·
Met
wedersydse goedkeuring / aanvaarding
·
Moet
mekaar ten volle vertrou
Wat werk?
·
Volle
aanvaarding vir ander party, net soos hy / sy is
·
Heaven @
eleven, starts at seven. Begin vroeg-vroeg met ‘n aanloop.
·
Oop
kommunikasie
·
Respek vir
mekaar se behoeftes / ook dalk gesondheidsprobleme
Wat werk nie?
·
Kobus
Rudolph praat soms oor die “hand in die donker”. Man is aaklig met
vroulief, die hele dag lank, maar vanaand in die bed kom daai hand onder
die kombers nader gekruip. Dan wil hy vat aan dieselfde liggaam wat hy
netnou nog afgekraak het.
·
Verwag
intimiteit terwyl hy netnou nog ‘n vark was
·
Onversorgdheid. Magtig man, maak jouself “presentable”. Sorg dat jy lekker
ruik!!!
·
Beledig
mekaar se uiterlike, maar in die bed is alles nog okay.
·
Verstaan
die verskil tussen man en vrou. Manlief werk soos ‘n ligskakelaar, binne
sekondes is die knaap gereed vir aksie, vroulief werk soos 100 kersies wat
eers een vir gemaak brand word. Net so skakel manlief agterna die
skakelaar af, draai om en slaap. Vroulief se kersies moet eers een vir een
uitgedoof word.
Kyk wat sê die
Here by monde van Paulus hieroor.
1 Kor 7 : 1 – 5
Ek kom nou by die dinge waaroor julle aan my geskryf het. Dit is goed
vir 'n man om sonder 'n vrou te lewe, maar weens die gevare van
onsedelikheid behoort elke man sy eie vrou te hê en elke vrou haar eie
man. Die man moet sy huweliksplig teenoor sy vrou nakom, en net so ook
die vrou teenoor haar man. Die vrou beskik nie oor haar eie liggaam
nie, maar die man; net so beskik die man ook nie oor sy eie liggaam nie,
maar die vrou. Moenie vir mekaar omgang weier nie, behalwe met
wedersydse toestemming en net vir 'n bepaalde tyd om julle aan die
gebed te wy. Daarna moet julle weer saamkom, sodat die Satan julle nie
miskien weens julle gebrek aan selfbeheersing verlei nie.
·
Frekwensie
met wedersydse ooreenkoms, Paulus praat van huweliksplig (ja meneer /
mevrou, jy is die een wat hierdie rol MOET vervul) Mmm… manlief sê dalk
vanaand:- “ Bid jy alweer met die Huisgenoot oop voor jou?”
Spreuke 5 : 15 -
23
Jy het tog self 'n
vrou, jy het tog self 'n put met water: drink die strome uit jou eie
fontein. Moet jou fonteine dan ook die wêreld vol loop, jou strome water
oral heen vloei? Hulle is tog net joune, en jy sal hulle nie met 'n ander
wil deel nie. Sing die lof van jou eie fontein, verheug jou oor jou eie
vrou, so vol liefde, so mooi soos 'n takbok, soos 'n ribbok. Geniet voluit
van haar liefkosings, laat dit jou deurentyd bedwelm. Waarom sou jy jou
laat bedwelm deur 'n slegte vrou, my seun, waarom sou jy in die arms van
'n ander vrou gaan lê? 'n Mens se lewe lê oop voor die Here, elke tree wat
jy gee, sien Hy. Die oortreding van die goddelose agterhaal hom, hy draai
hom vas in sy sonde. Hy sterf deur sy gebrek aan selfbeheersing, sy
dwaasheid het hom op die verkeerde pad gebring.
So staan hierdie
potjie en prut op hierdie drie UITERS belangrike pootjies.
Waar pas die Here in
die prentjie in?
·
Hy pas in
al drie hierdie pote in, nie net beperk tot een poot nie.
·
Hy maak
dat die potjie lekker prut, en skep daardie gebondenheid wat ons nodig
het.
·
Die
Hoofbestandeel wat smaak gee aan alles in die pot. Die GRAVY???
Wat gebeur in ‘n pot
waar al die pote in plek is?
·
Geen plek
vir sieklike jaloesie nie
·
‘n Veilige
hawe vir kinders. Hulle sal eerder hulle vriende huistoe bring as om
elders uit te hang. Trots op hulle ouerhuis.
·
Geen plek
vir dag tot dag oorlog nie
·
Goeie
kommunikasie
·
Kan saam
die Here dien. “Pray together, stay together”.
·
Geen plek
nodig vir ander partye nie
·
Pie in the
sky? Nee, daar is hordes mense wat dit regkry.
Kan ek dit omswaai?
·
Ja, selfs
as professionele berading nodig is
·
Gaan op ‘n
Huweliksverryking naweek
·
Gooi die
plantjie van voor af nat
·
Dit wat
jou aanvanklik die meeste na die ander persoon aangetrek het, sal jou dalk
die meeste irrtiteer. Swaai dit om.
·
Verwyder
“egskeiding” uit jou woordeskat. GEEN AGTERDEUR!!!!
·
“Fire” vir
poppie by die werk
·
Soek weer
die mooi / spesiaal in die ander persoon
·
Gaan saam
na die Here toe
Ek
kan enige berg, hoe groot ookal, oor worstel, solank my vrou aan my sy is.
Geen probleem is te groot binne ‘n standvastige huwelik nie, en enige
kraak kan herstel word as dit betyds identifiseer word. Begin NOU daarmee.
|